ഒരു ദിവസത്തെ ഏറ്റവും പ്രധാനപ്പെട്ട ഭക്ഷണമാണ് പ്രാതല് അഥവാ ബ്രേക്ഫാസ്റ്റ്.ഏത് ഭക്ഷണം ഒഴിവാക്കിയാലും പ്രാതല് ഒഴിവാക്കരുതെന്ന് പറയും. ഒരു ദിവസത്തേയ്ക്ക് വേണ്ട ഊര്ജം മുഴുവന് ശരീരം സംഭരിയിക്കുന്നത് ഇതിലൂടെയാണ്. മാത്രമല്ല, അമിതവണ്ണം ഒഴിവാക്കാന് ഉള്ള ഒരു വഴി കൂടിയാണ് പ്രാതല് എന്നത്.
ബ്രേക്ഫാസ്റ്റ് എന്നാല് ഇഡ്ഢലി, ദോശ, പുട്ട്, അപ്പം തുടങ്ങിയ വിഭവങ്ങളാകും പലര്ക്കും പരിചിതം. ഇന്നത്തെ കാലത്ത് ഇതൊക്കെ തന്നെയാണ് പലരും കഴിയ്ക്കുന്നത്. കൂട്ടത്തില് ആരോഗ്യകരം, എളുപ്പം എന്നതില് ഓട്സ്, എളുപ്പം നോക്കി ബ്രെഡ് എന്നതും കയറി വന്നിട്ടുണ്ടെന്നര്ത്ഥം.എന്നാല് ആരോഗ്യമുള്ള ഒരു തലമുറ പണ്ടുണ്ടായിരുന്നു. കാര്യമായ അസുഖങ്ങള് ഇല്ലാത്ത തലമുറ. അന്നത്തെ കാലത്ത് പ്രധാന പ്രാതല് വിഭവം കഞ്ഞിയായിരുന്നു. തവിട് കളയാത്ത കഞ്ഞി. പലരും ഇതില് നെയ്യും ചേര്ത്ത് കഴിയ്ക്കുമായിരുന്നു. ഇന്നത്തെ കാലത്തും ഇത് ആര്ക്കും കഴിയ്ക്കാവുന്ന ആരോഗ്യകരമായ പ്രഭാത ഭക്ഷണം തന്നെയാണ്.
ബ്രെയിന് ഫുഡാണ്
നെയ്യിട്ട കഞ്ഞി നല്ലൊന്നാന്തരം പ്രാതല് തന്നെയാണ്. ഇതിന് പ്രധാന കാരണം ഇത് നല്കുന്ന ഊര്ജം തന്നെയാണ്. നെയ്യ് ശരീരത്തിന് ഊര്ജം നല്കുന്ന ഭക്ഷണമാണ്. സ്റ്റാമിന നല്കുന്ന, തളര്ച്ച അറിയിക്കാത്ത ഒരു ഭക്ഷണ വസ്തുവാണ് ഇത്. കഞ്ഞിയും ഊര്ജദായകം തന്നെയാണ്.ശരീരത്തിന് ആരോഗ്യം നല്കുന്ന ഇത് തലച്ചോറിനും ഏറെ നല്ലതാണ്. നെയ്യ് ബ്രെയിന് ഫുഡാണ്. കുട്ടികള്ക്ക പോലും മികച്ച പ്രാതലാണിത്.
പ്രമേഹ ഭീഷണി
കഞ്ഞിയില് നെയ്യ് ചേര്ക്കുന്നത് കൊണ്ട് ഗുണങ്ങള് ഏറെയാണ്. ഇതില് ഒന്നാണ് ഇത് പ്രമേഹ ഭീഷണി തടയുമെന്നത്. കഞ്ഞി കഴിച്ചാല് കാര്ബോഹൈഡ്രേറ്റ് രക്തത്തിലെ ഗ്ലൂക്കോസ് തോത് ഉയര്ത്തുമെന്ന പ്രശ്നത്തിന് തടയിടാന് ഏറ്റവും നല്ലതാണ് നെയ്യ്.രക്തത്തിലെ ഗ്ലൂക്കോസ് തോത് ഉയര്ത്തുന്നത് തടയാന് ഏറെ നല്ലതാണ് നെയ്യ്. അതായത് കഞ്ഞി കുടിച്ചാല് ഉയരുന്ന ഗ്ലൈസമിക് ഇന്ഡെക്സിന് തടയിടാന് ഏറെ നല്ലതാണ് നെയ്യ് ചേര്ക്കുന്നത്.
ദഹനത്തിന്
ദഹനത്തിന് മികച്ചതും കൂടിയാണ് നെയ്യു ചേര്ത്ത കഞ്ഞി. കുടല് ആരോഗ്യത്തിന് ഇതേറെ ഗുണകരം തന്നെയാണ്. പെട്ടെന്ന് ദഹിയ്ക്കാന് കഞ്ഞി നല്ലതാണ്. ഇതില് നെയ്യ് ചേര്ക്കുമ്പോള് ഈ ഗുണം ഇരട്ടിയ്ക്കും. ഇതു പോലെ തന്നെ തടി കുറയ്ക്കാന് കൂടി സഹായിക്കുന്ന കോമ്പോയാണ് നെയ്യ്-കഞ്ഞി എന്നത്. കഞ്ഞി അതായത് അരി ഭക്ഷണം തടി കൂട്ടാതിരിയ്ക്കാന് നെയ്യ് ഏറെ നല്ലതു തന്നെയാണ്. നെയ്യിലേത് ആരോഗ്യകരമായ കൊഴുപ്പാണ് ഇത്. അരി ഭക്ഷണം ഉണ്ടാക്കുന്ന ദോഷത്തിന് തടയിടാന് നെയ്യ് നല്ലതാണ്.
വേനല്ക്കാലത്ത് കഴിയ്ക്കാവുന്ന ഉത്തമമായ ഭക്ഷണം കൂടിയാണിത്. വേനല് ശരീരത്തിലുണ്ടാക്കുന്ന ക്ഷീണവും തളര്ച്ചയുമെല്ലാം മാറ്റാനും ഊര്ജം നല്കാനും ഇതേറെ നല്ലതാണ്. കഞ്ഞി ആരോഗ്യകരമായ അരി കൊണ്ടുണ്ടാക്കുകയെന്നത് പ്രധാനമാണ്. കുത്തരി, ബ്രൗണ് റൈസ്, തവിട് കളയാത്ത അരി എന്നിവയാണ് നല്ലത്.
