തിരുവനന്തപുരം: സംസ്ഥാനത്ത് കരുതൽ ഡോസ് വാക്സിൻ ജനുവരി 10 മുതൽ നൽകിത്തുടങ്ങുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ആദ്യഘട്ടത്തിൽ ആരോഗ്യ പ്രവര്ത്തകര് 60 വയസ് കഴിഞ്ഞ അനുബന്ധ രോഗമുള്ളവര്, കോവിഡ് മുന്നണി പോരാളികള് എന്നിവര്ക്കാണ് കരുതല് ഡോസ് നല്കുന്നത്.
അതേസമയം രണ്ടാം ഡോസ് വാക്സിന് എടുത്തുകഴിഞ്ഞ് 9 മാസം കഴിഞ്ഞവര്ക്കാണ് കരുതല് ഡോസ് എടുക്കാന് സാധിക്കുക. കരുതല് ഡോസിനായുള്ള ബുക്കിംഗ് നാളെ മുതല് ആരംഭിക്കുന്നതാണ്. നേരിട്ടും ഓണ് ലൈന് ബുക്കിംഗ് വഴിയും കരുതല് ഡോസ് വാക്സിനെടുക്കാം. എന്നാൽ ഓണ്ലൈന് വഴി ബുക്ക് ചെയ്ത് വരുന്നതായിരിക്കും സമയം നഷ്ടപ്പെടാതിരിക്കാന് നല്ലത്. ഒമിക്രോണ് സാഹചര്യത്തില് ഈ വിഭാഗക്കാരില് എല്ലാവരും അവരവരുടെ ഊഴമനുസരിച്ച് കരുതല് ഡോസ് സ്വീകരിക്കണമെന്ന് മന്ത്രി അഭ്യര്ത്ഥിച്ചു.
എങ്ങനെ കരുതല് ഡോസ് ബുക്ക് ചെയ്യേണ്ട വിധം ഇങ്ങനെ…
കരുതല് ഡോസ് വാക്സിനേഷനായി വീണ്ടും രജിസ്റ്റര് ചെയ്യേണ്ടതില്ല. അതിനാൽ ആദ്യം https://www.cowin.gov.in എന്ന ലിങ്കില് പോകുക തുടർന്ന് നേരത്തെ രണ്ട് ഡോസ് വാക്സിനെടുത്ത ഫോണ് നമ്പര് ഉപയോഗിച്ച് ലോഗിന് ചെയ്യുക.
രണ്ട് ഡോസ് വാക്സിന് എടുത്തതിന് താഴെ കാണുന്ന പ്രിക്കോഷന് ഡോസ് എന്ന ഐക്കണിന്റെ വലതുവശത്ത് കാണുന്ന ഷെഡ്യൂള് പ്രിക്കോഷന് ഡോസ് എന്ന ഐക്കണില് ക്ലിക്ക് ചെയ്യുക, അവിടെ സെന്ററും സമയവും ബുക്ക് ചെയ്യാവുന്നതാണ്.
