ഡെറാഡൂണ്‍ : ഉത്തരാഖണ്ഡ് മുഖ്യമന്ത്രിയായി ബി.ജെ.പി നേതാവ് പുഷ്‌ക്കര്‍സിംഗ് ധാമി സത്യപ്രതിജ്ഞ ചെയ്ത് ചുമതലയേറ്റു. ഗവര്‍ണര്‍ ബേബിറാണി മൗര്യ
സത്യവാചകം ചൊല്ലിക്കൊടുത്തു. ഇന്നലെയാണ് അദ്ദേഹത്തെ നിയമസഭാ കക്ഷി നേതാവായി തെരഞ്ഞടുത്തത്.
അഭിഭാഷകനായ പുഷ്‌ക്കര്‍ സിംഗ് ധാമി ആര്‍.എസ്.എസിലൂടെയാണ് പൊതുരംഗത്ത് എത്തിയത്. എ.ബി.വിപിയുടേയും യുവമോര്‍ച്ചയുടേയും ഭാരവാഹിയും ആയിരുന്നിട്ടുണ്ട്. ഉത്തരാഖണ്ഡ് നിയമസഭയിലേക്കുള്ള തെരഞ്ഞടുപ്പ് അടുത്ത വര്‍ഷം നടക്കാനിരിക്കെയാണ് ധാമി മുഖ്യമന്ത്രിയാകുന്നത്. 2017 ലെ തെരഞ്ഞടുപ്പില്‍ ആകെയുള്ള 70 സീറ്റുകളില്‍ 57 എണ്ണം നേടിയാണ് ബി.ജെ.പി അധികാരത്തില്‍ എത്തിയത്. പുതിയ മന്ത്രിമാരുടെ സത്യപ്രതിജ്ഞ ഉടന്‍ നടക്കുമെന്ന് ബി.ജെ.പി നേതാക്കള്‍ അറിയിച്ചു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
