“വനിതാ നേതാക്കളോട് മോശം പെരുമാറ്റം, പരാതികൾ പാർട്ടി തിരിഞ്ഞുനോക്കുന്നില്ല”; സംസ്ഥാന സമ്മേളനത്തിൽ രൂക്ഷവിമർശനവുമായി മന്ത്രി ആർ.ബിന്ദു

കൊച്ചി: വനിതാ നേതാക്കളോടുള്ള ചില പുരുഷ നേതാക്കന്മാരുടെ സമീപനം മോശമാണെന്നാണ് മന്ത്രി ആർ.ബിന്ദു(R Bindu Against CPM Leaders). സിപിഎം സംസ്ഥാന സമ്മേളനത്തിലാണ് നേതാക്കൾക്കെതിരെ രൂക്ഷവിമർശനവുമായി മന്ത്രി രംഗത്തെത്തിയത്. മോശം പെരുമാറ്റത്തിനെതിരെ പരാതി നൽകിയാലും പലപ്പോഴും പരിഗണിക്കുന്നില്ല. പരാതിക്കാർക്ക് അവഗണന നേരിടേണ്ടി വരുന്നുവെന്നും മന്ത്രി ആരോപിച്ചു.

ഖേദത്തോടെയാണ് ഇതുപറയേണ്ടി വരുന്നതെന്നും ചർച്ചയിൽ പങ്കെടുത്തുകൊണ്ട് മന്ത്രി പറഞ്ഞു. പൊതുചർച്ചയിലായിരുന്നു മന്ത്രിയുടെ വിമർശനം. വനിതാ സഖാക്കളോടുള്ള പുരുഷ നേതാക്കന്മാരുടെ സമീപനം വളരെ മോശമാണെന്നാണ് സംസ്ഥാനകമ്മിറ്റി അംഗം കൂടിയായ ബിന്ദു ആരോപിച്ചത്. പരാതി നൽകിയാൽ പരാതിക്കാർക്ക് അവഗണന നേരിടേണ്ടി വരുന്ന സാഹചര്യമാണുള്ളതെന്നും മന്ത്രി ചൂണ്ടിക്കാട്ടി.

അതേസമയം സിപിഎം സംസ്ഥാന സമ്മേളനം കൊച്ചിയിൽ പുരോഗമിച്ചുകൊണ്ടിരിക്കുകയാണ്. സിപിഎം സംസ്ഥാന സമ്മേളന ചര്‍ച്ചയില്‍ റവന്യൂ വകുപ്പിനെതിരെയും വിമര്‍ശനം ഉയന്നിരുന്നു. വന്യൂ വകുപ്പില്‍ പണപ്പിരിവ് നടക്കുന്നുണ്ടെന്നാണ് വിമര്‍ശനം. പട്ടയമേളകളുടെ മറവില്‍ പണപ്പിരിവ് നടക്കുകയാണെന്നാണ് ഇടുക്കി ജില്ലാ കമ്മിറ്റി ആരോപിച്ചത്. സര്‍ക്കാരിന്‍റെ നേട്ടം സിപിഐ ഉപയോഗപ്പെടുത്തുകയാണ്. എന്നാല്‍ പ്രതിസന്ധികളില്‍ കുറ്റപ്പെടുത്തുന്നുവെന്നും വിമര്‍ശനം ഉയര്‍ന്നു.