രാഹുൽ ഗാന്ധി മത്സരിക്കുന്നത് ആർക്കെതിരെ? മോദിയെ തോൽപ്പിക്കാനോ, അതോ ഇടതുപക്ഷത്തേയോ? ചോദ്യവുമായി പിണറായി വിജയൻ രംഗത്ത്

കോൺഗ്രസ് അധ്യക്ഷൻ രാഹുൽ ഗാന്ധി വയനാട്ടിൽ മത്സരിക്കുമെന്ന് പ്രഖ്യാപനം കേരളത്തിലെ ഇടതുപക്ഷ ക്യാമ്പിൽ ഉണ്ടാക്കിയ ആശയകുഴപ്പം വെളിവാക്കി പിണറായി വിജയൻറെ പ്രസ്താവന. വയനാട്ടിൽ രാഹുൽ ഗാന്ധി മത്സരിക്കുന്നത് ഇടതുപക്ഷത്തെ തോൽപ്പിക്കാനാണോ മോദിയെ തോൽപ്പിക്കാനാണോയെന്ന് കേരളാ മുഖ്യമന്ത്രി ചോദിച്ചു.

വ​യ​നാ​ട്ടി​ല്‍ രാ​ഹു​ലി​നെ നേ​രി​ടാ​നു​ള്ള ക​രു​ത്ത് എ​ല്‍​ഡി​എ​ഫി​നു​ണ്ടെ​ന്ന് പി​ണ​റാ​യി പ​റ​ഞ്ഞു. പി.പി. സുനീര്‍ തന്നെയായിരിക്കും വയനാട്ടിലെ എല്‍ഡിഎഫ് സ്ഥാനാര്‍ഥിയെന്നും രാഹുലിനെ പരാജയപ്പെടുത്താനായിരിക്കും തങ്ങളുടെ ശ്രമമെന്നും പിണറായി കൂട്ടിച്ചേര്‍ത്തു.ബി​ജെ​പി​ക്ക് എ​തി​രെ​യാ​ണ് കോ​ണ്‍​ഗ്ര​സി​ന്‍റെ പോ​രാ​ട്ട​മെ​ങ്കി​ല്‍ രാ​ഹു​ല്‍ മ​ത്സ​രി​ക്കേ​ണ്ട​ത് വ​യ​നാ​ട്ടി​ല​ല്ല. ഇ​ട​തു​പ​ക്ഷ​ത്തെ നേ​രി​ടാ​നാ​ണ് രാ​ഹു​ല്‍ കേ​ര​ള​ത്തി​ലേ​ക്ക് വ​രു​ന്ന​തെന്നും പി​ണ​റാ​യി പറഞ്ഞു.

കേരളം ഒഴികെ ഇടതുപക്ഷത്തിന് സാന്നിധ്യമുള്ള എല്ലാ സംസ്ഥാനങ്ങളിലും കോൺഗ്രസ്സും സിപിഎമ്മും സഹകരിച്ചാണ് തിരഞ്ഞെടുപ്പ് രംഗത്ത് പ്രവർത്തിക്കുന്നത്. സോണിയാ ഗാന്ധിയുടെയും രാഹുൽ ഗാന്ധിയുടെയും ചിത്രങ്ങൾ സഹിതം സിപിഎം സ്ഥാനാർത്ഥികൾ തമിഴ്‌നാട് ഉൾപ്പെടെ പലയിടത്തും വോട്ട് പിടിക്കുന്നത് കഴിഞ്ഞ ദിവസം വാർത്തയായിരുന്നു. കേരളത്തിലും ബിജെപി ശക്തമായ മത്സരം കാഴ്ചവെക്കുന്ന മണ്ഡലങ്ങളിൽ കോൺഗ്രസിന് വോട്ട് മറിച്ചുകൊടുക്കാൻ ഇടതുപക്ഷത്തിന് പദ്ധതി ഉണ്ടെന്ന ആരോപണവും ശക്തമാണ്.