ജയ്പുർ:സംസ്ഥാനത്ത് വിനോദസഞ്ചാരം പ്രോത്സാഹിപ്പിക്കുന്നതിനായി പുതിയ പദ്ധതി രൂപീകരിച്ച് രാജസ്ഥാൻ ടൂറിസം മന്ത്രി വിശ്വേന്ദ്ര സിംഗ്.
രാജസ്ഥാനിലെ ചമ്പൽ നദിയിൽ വിനോദസഞ്ചാരികൾക്കായി ക്രൂയിസ് കപ്പലുകൾ പ്രവർത്തിപ്പിക്കാൻ സർക്കാർ ശ്രമിക്കുന്നുണ്ടെന്നാണ് സംസ്ഥാന ടൂറിസം മന്ത്രി പറഞ്ഞത്
ചമ്പൽ നദിയിൽ ക്രൂയിസ് കപ്പലുകൾ പ്രവർത്തിപ്പിക്കുന്നത് ടൂറിസം പ്രോത്സാഹനത്തിന് പുതിയ സാധ്യതകൾ തുറക്കുമെന്ന് സിംഗ് പറഞ്ഞു.
കൂടാതെ സംസ്ഥാനത്തെ മറ്റ് വലിയ തടാകങ്ങളിലും കുളങ്ങളിലും ഹൗസ് ബോട്ടുകൾ ഏർപ്പെടുത്തുമെന്നും പുതിയ സംരംഭം സംസ്ഥാനത്തെ ടൂറിസത്തിന്റെ പുതിയ മേഖലകൾ വികസിപ്പിക്കുകയും യുവാക്കൾക്ക് തൊഴിലവസരങ്ങൾ നൽകുകയും ചെയ്യുമെന്നും മന്ത്രി വ്യക്തമാക്കി.
