ലഖ്നൗ: രാമജന്മഭൂമിയില് രാമക്ഷേത്ര നിര്മാണത്തിന്റെ പൈലിങ് ജോലികള് ഈ മാസം പകുതിയോടെ ആരംഭിക്കും. ഓഗസ്റ്റ് 5ന് പ്രധാനമന്ത്രി പങ്കെടുത്ത ഭൂമിപൂജ ചടങ്ങുകള്ക്കു ശേഷം അവസാനവട്ട ഭൂമി നിരപ്പാക്കലും അനുബന്ധ ജോലികളും നടത്തിയിരുന്നു.
ക്ഷേത്രത്തിന്റെ അടിത്തറയ്ക്കായി 200 അടി ആഴത്തില് 1200 ഇടത്താണ് പൈലിങ് ജോലികള് ആരംഭിക്കുന്നത്. ഇത് അടുത്ത വര്ഷം ജൂണ് വരെ നീളും. എല് ആന്ഡ് ടിയാണു നിര്മാണ പ്രവര്ത്തനങ്ങള് നടത്തുന്നത്. 2,74,110 ചതുരശ്ര മീറ്ററിന്റെ ക്ഷേത്ര പ്ലാന് അയോധ്യ വികസന അതോറിറ്റിക്ക് സമര്പ്പിച്ചിട്ടുണ്ട്. ഭൂകമ്പം ചെറുക്കുന്ന രീതിയിലായിരിക്കും ക്ഷേത്രം നിര്മ്മിക്കുന്നത്. ഒരു ലക്ഷം ഭക്തര്ക്ക് ഒരുമിച്ച് ക്ഷേത്രസമുച്ചയത്തില് നില്ക്കാനാവും. അതേസമയം 3 വര്ഷം കൊണ്ടു ക്ഷേത്രനിർമ്മാണം പൂര്ത്തീകരിക്കും.
