ചെന്നൈ : പ്രശസ്ത ഗായകനും നടനുമായ വിജയ് യേശുദാസിന്റെ വീട്ടിൽ കവർച്ച നടന്നു. ചെന്നൈയിലെ വീട്ടിൽനിന്ന് 60 പവൻ സ്വർണഭാരണങ്ങൾ നഷ്ടപ്പെട്ടതായി കാണിച്ച് അദ്ദേഹത്തിന്റെ കുടുംബം പോലീസിൽ പരാതി നൽകി.മോഷണത്തിനു പിന്നിൽ വീട്ടിലെ ജോലിക്കാരെ സംശയിക്കുന്നതായി കുടുംബം വ്യക്തമാക്കി. സംഭവത്തിൽ അഭിരാമിപുരം പൊലീസ് കേസ് റജിസ്റ്റർ ചെയ്ത് അന്വേഷണം ആരംഭിച്ചു.
ഇന്നലെ രാത്രിയാണ് മോഷണവുമായി ബന്ധപ്പെട്ട് അഭിരാമിപുരം പൊലീസ് സ്റ്റേഷനിൽ പരാതി ലഭിക്കുന്നത്. വീട്ടിൽനിന്നും 60 പവൻ സ്വർണ, വജ്രാഭരണങ്ങൾ നഷ്ടമായി എന്നായിരുന്നു പരാതി. മോഷണത്തിൽ വീട്ടുജോലിക്കാരെ സംശയമുണ്ടെന്നും പരാതിയിൽ പരാമർശിക്കുന്നുണ്ട്.
സിസിടിവി ദൃശ്യങ്ങൾ ഉൾപ്പെടെയുള്ളവ പോലീസ് പരിശോധിച്ചു. വീട്ടുജോലിക്കാർക്കെതിരായ പരാമർശത്തെത്തുടർന്ന് അവരുടെ പശ്ചാത്തലവും മുൻകാല വിവരങ്ങളും പോലീസ് ശേഖരിക്കുന്നുണ്ട്.
തിരുവനന്തപുരം : മേയര് ആര്യ രാജേന്ദ്രനും ഭർത്താവ് സച്ചിന് ദേവ് എംഎൽഎയും തടഞ്ഞു നിർത്തിയ കെഎസ്ആർടിസി ബസിലെ മെമ്മറി കാർഡ്…
തിരുവനന്തപുരം: ഡ്രൈവിങ് ലൈസന്സ് പരീക്ഷ പരിഷ്ക്കരണം നടപ്പാക്കാനുള്ള ഗതാഗത വകുപ്പ് തീരുമാനത്തിനെതിരെ സമരം കടുപ്പിക്കാനൊരുങ്ങി സംയുക്ത സംഘടനകള്. ഡ്രൈവിങ് ടെസ്റ്റ്…