ഇനി ഭൂകമ്പങ്ങൾ നേരത്തെ തന്നെ അറിയാം; അത്ഭുത ആപ്പുമായി റൂർക്കി ഐ ഐ ടി

ഡെ​റാ​ഡൂ​ണ്‍:മനുഷ്യന്റെ മാത്രമല്ല സകല ജീവജാലങ്ങളുടെയും ജീ​വി​ത​ത്തെ ആ​കെ ത​കി​ടം​മ​റി​ച്ചു​ക​ള​യു​ന്ന ഭൂ​ക​മ്പ​ങ്ങ​ളെ ഭ​യ​ക്കാ​ത്ത​വ​രി​ല്ല. അ​പ്ര​തീ​ക്ഷി​ത​മാ​യി സം​ഭ​വി​ക്കു​ന്ന​തി​നാ​ലാ​ണ് ഭൂ​ക​മ്പ​ങ്ങ​ൾ ഏ​റെ വി​നാ​ശ​കാ​രി​യാ​വു​ന്ന​ത്. എ​ന്നാ​ൽ ഭൂ​ക​മ്പം ഉ​ണ്ടാ​വു​ന്ന​ത് നേ​ര​ത്തെ അ​റി​യാ​ൻ ക​ഴി​ഞ്ഞാ​ലോ. അ​തും സ്വ​ന്തം മൊ​ബൈ​ൽ ഫോ​ണി​ൽ. അ​ത്ത​ര​ത്തി​ലൊ​രു സം​വി​ധാ​നം വി​ക​സി​പ്പി​ച്ചി​രി​ക്കു​ക​യാ​ണ് റൂ​ർ​ക്കി ഐ​ഐ​ടി. ഉ​ത്ത​രാ​ഖ​ണ്ഡ ഭൂ​ക​മ്പ് അ​ലേ​ർ​ട്ട് എ​ന്ന പേ​രി​ൽ മൊ​ബൈ​ൽ ആ​പ്ലി​ക്കേ​ഷ​നാ​ണ് റൂ​ർ​ക്കി പു​റ​ത്തി​റ​ക്കി​യി​രി​ക്കു​ന്ന​ത്. ഭൂ​ക​മ്പം മു​ൻ​കൂ​ട്ടി അ​റി​യു​ന്ന​തി​നു​ള്ള രാ​ജ്യ​ത്തെ ആ​ദ്യ​ത്തെ ആ​പ്പാ​ണി​ത്.

റൂ​ര്‍​ക്കി ഇ​ന്ത്യ​ന്‍ ഇ​ന്‍​സ്റ്റി​റ്റ്യൂ​ട്ട് ഓ​ഫ് ടെ​ക്‌​നോ​ള​ജി​യും ഉ​ത്ത​രാ​ഖ​ണ്ഡ് സ്‌​റ്റേ​റ്റ് ഡി​സാ​സ്റ്റ​ര്‍ മാ​നേ​ജ്‌​മെ​ന്‍റ് അ​തോ​റി​റ്റി​യും സം​യു​ക്ത​മാ​യാ​ണ് ആ​പ്പ് ത​യാ​റാ​ക്കി​യി​രി​ക്കു​ന്ന​ത്. ജ​പ്പാ​ന്‍, മെ​ക്‌​സി​ക്കോ, അ​മേ​രി​ക്ക തു​ട​ങ്ങി​യ രാ​ജ്യ​ങ്ങ​ളി​ല്‍ നി​ല​വി​ല്‍ ഇ​തി​ന് സ​മാ​ന​മാ​യ ഭൂ​ച​ല​ന മു​ന്ന​റി​യി​പ്പ് ഉ​പ​ക​ര​ണ​ങ്ങ​ളു​ണ്ട്. ഭൂ​ക​മ്പം ഉ​ണ്ടാ​കാ​നു​ള്ള സാ​ധ്യ​ത മു​ന്‍​കൂ​ട്ടി പ്ര​വ​ചി​ക്കാ​ന്‍ ഇ​തി​നാ​കും. അ​പ​ക​ട​സാ​ധ്യ​ത ല​ഭി​ച്ച് ക​ഴി​ഞ്ഞാ​ലു​ട​ന്‍ ആ ​പ്ര​ദേ​ശ​ത്തെ ജ​ന​ങ്ങ​ളു​ടെ ഫോ​ണി​ലേ​ക്ക് മു​ന്ന​റി​യി​പ്പ് സ​ന്ദേ​ശം ല​ഭി​ക്കും.

200ഓ​ളം സെ​ന്‍​സ​റു​ക​ളാ​ണ് ഇ​തി​നാ​യി പ്ര​ത്യേ​കം സ്ഥാ​പി​ച്ചി​രി​ക്കു​ന്ന​ത്. ഭൂ​ക​മ്പ​ത്തി​ന് മു​ന്നോ​ടി​യാ​യി ഉ​ണ്ടാ​കു​ന്ന പ്ര​ത്യേ​ക​ത​രം ത​രം​ഗ​ങ്ങ​ളെ തി​രി​ച്ച​റി​യാ​ന്‍ ഇ​വ​യ്‌​ക്ക് സാ​ധി​ക്കും. ഭൂ​ച​ല​ന സാ​ദ്ധ്യ​ത കൂ​ടു​ത​ലു​ള്ള ഹി​മാ​ല​യ​ന്‍ മേ​ഖ​ല​ക​ളി​ലാ​യാ​ണ് സെ​ന്‍​സ​റു​ക​ള്‍ കൂ​ടു​ത​ലാ​യും സ്ഥാ​പി​ച്ചി​രി​ക്കു​ന്ന​ത്. റി​ക്ട​ര്‍ സ്‌​കെ​യി​ലി​ല്‍ 5.5ന് ​മു​ക​ളി​ല്‍ രേ​ഖ​പ്പെ​ടു​ത്തു​ന്ന ഭൂ​ക​മ്പ മു​ന്ന​റി​യി​പ്പു​ക​ളാ​കും ആ​പ്പ് വ​ഴി ന​ല്‍​കു​ക.

സെ​ന്‍​സ​റു​ക​ളി​ലൂ​ടെ ഓ​രോ സ്ഥ​ല​ത്തേ​യും ത​രം​ഗ​ങ്ങ​ളെ പി​ടി​ച്ചെ​ടു​ക്കും. ഐ​ഐ​ടി റൂ​ര്‍​ക്കി ആ​കും ഇ​തി​ന്‍റെ യൂ​ണി​റ്റ് കൈ​കാ​ര്യം ചെ​യ്യു​ന്ന​ത്. ഈ ​ത​രം​ഗ​ങ്ങ​ളെ പ​ഠ​ന​വി​ധേ​യ​മാ​ക്കാ​നാ​യി പ്ര​ത്യേ​ക അ​ല്‍​ഗോ​രി​തം ത​യാ​റാ​ക്കി​യി​ട്ടു​ണ്ട്. ഭൂ​ക​മ്പം എ​ത്ര​ത്തോ​ളം കാ​ഠി​ന്യ​മു​ള്ള​താ​യി​രി​ക്കും, ഏ​തൊ​ക്കെ സ്ഥ​ല​ങ്ങ​ളി​ലേ​ക്ക് വ്യാ​പി​ക്കാ​ന്‍ സാ​ധ്യ​ത​യു​ണ്ട് തു​ട​ങ്ങി​യ കാ​ര്യ​ങ്ങ​ളെ​ല്ലാം കൃ​ത്യ​മാ​യി മ​ന​സി​ലാ​ക്കാ​ന്‍ സാ​ധി​ക്കും.

ആ​പ്പ് വ​ഴി ജ​ന​ങ്ങ​ള്‍​ക്ക് സ​ന്ദേ​ശ​മെ​ത്തി​യാ​ലു​ട​ന്‍ ത​ന്നെ ടൈ​മ​ര്‍ ഉ​പ​യോ​ഗി​ച്ചു​ള്ള കൗ​ണ്ട് ഡൗ​ണും ആ​രം​ഭി​ക്കും. ഇ​തോ​ടെ ജ​ന​ങ്ങ​ള്‍​ക്ക് സു​ര​ക്ഷി​ത സ്ഥാ​ന​ത്തേ​ക്ക് മാ​റാ​നാ​യി കൃ​ത്യ​മാ​യ സ​മ​യ​വും ല​ഭി​ക്കു​ന്നു. കൗ​ണ്ട് ഡൗ​ണ്‍ അ​വ​സാ​നി​ക്കു​മ്പോ​ള്‍ ആ​പ്പി​ല്‍ ത​ന്നെ സ​ഹാ​യം വേ​ണ​മെ​ന്നോ, സു​ര​ക്ഷി​ത​നാ​ണെ​ന്നോ കാ​ണി​ക്കാ​ന്‍ അ​വ​സ​രം ഉ​ണ്ട്. സ​ഹാ​യം ആ​വ​ശ്യ​മാ​ണെ​ന്ന് രേ​ഖ​പ്പെ​ടു​ത്തി​യ ആ​ളു​ക​ളെ കു​റി​ച്ചു​ള്ള സ​ന്ദേ​ശം ഉ​ട​ന്‍ ത​ന്നെ ര​ക്ഷാ​പ്ര​വ​ര്‍​ത്ത​ക​രി​ലേ​ക്ക് കൈ​മാ​റും. ജനോപകാരപ്രദമായ ഒരു ആപ്പ് തന്നെയാണിത്