“യുക്രെയിനിൽ നിന്ന് സൈന്യത്തെ പിന്‍വലിക്കണം, സമാധാനം നല്‍കുക”; റഷ്യയോട് അഭ്യർത്ഥിച്ച് യുഎന്‍ സെക്രട്ടറി ജനറല്‍

വാഷിഗ്ടൺ: റഷ്യ-യുക്രെയ്ൻ യുദ്ധം ആരംഭിച്ചിരിക്കുകയാണ്. യുദ്ധം ആരംഭിച്ചതിനുപിന്നാലെ അങ്ങേയറ്റം ഭീതിയിലാണ് ലോകരാഷ്ട്രങ്ങൾ. ഇപ്പോഴിതാ വിഷയത്തിൽ പ്രതികരണവുമായി എത്തിയിരിക്കുകയാണ് യുഎൻ(UN On Russia-Ukraine War). മാനുഷികതയോര്‍ത്ത് റഷ്യന്‍ സൈന്യത്തോട് പിന്മാറാന്‍ പറയണമെന്ന് റഷ്യന്‍ പ്രസിഡന്റ് വ്‌ളാഡിമര്‍ പുടിനോട് യുഎന്‍ അഭ്യർത്ഥിച്ചു.

യുക്രെയിനിൽ നിന്ന് സൈന്യത്തെ തിരികെ വിളിക്കണമെന്ന് യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ് പറഞ്ഞു. യുഎന്‍ രക്ഷാസമിതി അടിയന്തര യോഗത്തിന് ശേഷമായിരുന്നു ഗുട്ടെറസിന്റെ പ്രതികരണം.

അദ്ദേഹത്തിന്റെ വാക്കുകൾ ഇങ്ങനെ:

“റഷ്യ യുക്രെയ്നിനെ ആക്രമിക്കുമെന്ന കിംവദന്തികള്‍ താന്‍ ഒരിക്കലും വിശ്വസിച്ചിരുന്നില്ലെന്നും ഗുരുതരമായ ഒന്നും സംഭവിക്കില്ലെന്ന് ഉറച്ചുവിശ്വസിച്ചിരുന്നതായും ഗുട്ടെറസ് പറഞ്ഞു. ‘പക്ഷേ എനിക്ക് തെറ്റുപറ്റി. ഹൃദയത്തിന്റെ അടിത്തട്ടില്‍ നിന്നാണ് പറയുന്നത്, യുക്രെയിനിൽ നിന്ന് സൈന്യത്തെ പിന്‍വലിക്കണം. സമാധാനം നല്‍കുക, ഒരവസരം കൂടി. നിരവധി പേര്‍ ഇതിനോടകം മരണപ്പെട്ടുകഴിഞ്ഞു’. അന്റോണിയോ ഗുട്ടെറസ് പറഞ്ഞു.