മലയാളത്തിലെ ചില സ്വകാര്യ വാർത്താചാനലുകൾ തിരഞ്ഞെടുപ്പുമായി ബന്ധപ്പെട്ടു കഴിഞ്ഞ ദിവസങ്ങളിൽ നടത്തിയ സർവേയിൽ ശബരിമല വിഷയം ലോക്സഭാ തിരഞ്ഞെടുപ്പിൽ ചർച്ചയ്ക്കു വഴി വയ്ക്കുന്ന വിഷയമേ അല്ല എന്നായിരുന്നു റിപ്പോർട്ട് .എന്നാൽ ഈ വാദമുഖങ്ങളെ പാടെ പൊളിച്ചടുക്കി ഇന്ത്യ മുഴുവൻ ഈ തിരഞ്ഞെടുപ്പ് കാലത്തു ചൂടേറിയ ചർച്ചയ്ക്കുള്ള വിഷയമായി മാറുകയാണ് ശബരിമല .
ശബരിമല യുവതീ പ്രവേശനവുമായി ബന്ധപ്പെട്ട വിഷയം ഭാഷയും ദേശവും അതിർത്തിയും കടന്ന് മറ്റു ഇന്ത്യൻ സംസ്ഥാനങ്ങളിലും ബിജെപിയുടെ തിരഞ്ഞെടുപ്പ് റാലികളിൽ ചൂടേറിയ ചർച്ചാവിഷയമാകുന്നു.ബിജെപി പ്രകടനപത്രികയിൽ ശബരിമലയിലെ ആചാരസംരക്ഷണം ഉൾപ്പെടുത്തിയ ശേഷം ഇന്നലെ മൈസൂരിൽ നടന്ന തെരഞ്ഞെടുപ്പ് റാലിയിലും പ്രധാനമന്ത്രി ഉയർത്തിക്കാട്ടിയത് ശബരിമല വിഷയം തന്നെയായിരുന്നു .ശബരിമല ആചാര സംരക്ഷണ വിഷയത്തിൽ കോൺഗ്രസ് -സിപിഎം ഒത്തുകളി ആരോപിച്ച പ്രധാനമന്ത്രി ,വിശ്വാസികളെ ജയിലിൽ അടച്ച കമ്യൂണിസ്റ്റ് സർക്കാരിന്റെ നടപടികളെ കോൺഗ്രസ് അധ്യക്ഷൻ പിന്തുണച്ചുവെന്നും പറഞ്ഞു .
ശബരിമലയിലെ പൂജാവിധികളെയും ആചാരങ്ങളെയും കുറിച്ച് വിശദമായി സുപ്രീം കോടതിയെ ബോധ്യപ്പെടുത്തുമെന്നും വിശ്വാസത്തിന് ഭരണഘടനാ സംരക്ഷണം ഉറപ്പാക്കുമെന്നും പ്രധാനമന്ത്രി പറഞ്ഞു. ഇതിനു ശേഷമാണ് സിപിഎമ്മിനെതിരെ ഒന്നും പറയില്ലെന്ന രാഹുൽ ഗാന്ധിയുടെ പ്രസ്താവനയെ മോദി ശബരിമല വിഷയത്തിലെ കോൺഗ്രസ് നിലപാടുമായി ചേർത്തുവച്ചത്.
‘വിശ്വാസികളെ ലാത്തിച്ചാർജ് ചെയ്യുകയും ജയിലിൽ അടക്കുകയുമാണ് കേരളത്തിലെ കമ്യൂണിസ്റ്റ് സർക്കാർ ചെയ്തത്.കോൺഗ്രസ് അധ്യക്ഷൻ അതിനെ പിന്തുണച്ചു. കേരളത്തിൽ മത്സരിക്കാനെത്തിയ ശേഷം അദ്ദേഹം ആദ്യം പറഞ്ഞത് കമ്യൂണിസ്റ്റുകൾക്കെതിരെ ഒന്നും പറയില്ലെന്നാണ്. കോൺഗ്രസിന്റെ യഥാർത്ഥമുഖം ഇതിലൂടെ വ്യക്തമായെന്നും മോദി തുറന്നടിച്ചു .
ബിജെപി പ്രകടന പത്രിക പ്രകാശനവേളയിൽ ബിജെപി ദേശീയാധ്യക്ഷൻ അമിത്ഷായും ശബരിമല വിഷയം ഉയർത്തിക്കാട്ടിയിരുന്നു.
വരും ദിവസങ്ങളിലും കേരളത്തിലും ദേശീയ തലത്തിലും തിരഞ്ഞെടുപ്പ് പ്രചാരണ പരിപാടികളിൽ ശബരിമല വിഷയം വലിയ തോതിൽ ചർച്ചചെയ്യപ്പെടുമെന്ന് ഉറപ്പാണ്.
ജോധ്പൂര് : ഭാരതത്തിന്റെ ഏറ്റവും വലിയ വ്യോമാഭ്യാസമായ 'തരംഗ് ശക്തി'യുടെ ഭാഗമായി തദ്ദേശീയ പ്രതിരോധ നിര്മ്മാണ കരുത്ത് ലോകരാഷ്ട്രങ്ങള്ക്ക് മുന്നില്…
നമ്മുടെ പരിസരം എത്രത്തോളം വൃത്തിയാകണമെങ്കിലും നമ്മള് സ്വയം തീരുമാനിയ്ക്കണം. വ്യക്തിശുചിത്വം പോലെ തന്നെ പ്രധാനപ്പെട്ടതാണ് പരിസര ശുചിത്വവും. ചില ആളുകള്…
കേരളത്തിന്റെ സാംസ്കാരിക രംഗത്ത് സമാനതകളില്ലാത്ത സംഭാവനകള് നല്കിയ പ്രമുഖ നാടകപ്രവര്ത്തകനും സംഘാടകനും ചലച്ചിത്രകാരനുമാണ് സൂര്യ കൃഷ്ണമൂര്ത്തി. ലോകത്തെ ഏറ്റവും വലിയ…
തിരുവനന്തപുരം : സി എം ആര് എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട് മുന് മുഖ്യമന്ത്രി പിണറായി വിജയനും മുന്മന്ത്രി പി.എ.…
തിരുവനന്തപുരം : മലപ്പുറത്തെ മഴക്കെടുതി ബാധിത പ്രദേശങ്ങളിലേക്ക് ചാര്ട്ടേഡ് വിമാനത്തില് യാത്ര നടത്തിയതിന് പണം മുടക്കിയത് ആരെന്ന് ഇനിയും മുഖ്യമന്ത്രി…
ഒരു കാലത്ത് മലയാള സിനിമയില് മിന്നിത്തിളങ്ങിയിരുന്ന താരസഹോദരിമാരായിരുന്നു അംബികയും അനുജത്തി രാധയും. ഇരുവരും തുടര്ന്ന് 'എ.ആര്.എസ്. സ്റ്റുഡിയോസ്' എന്ന പേരില്…