പാലക്കാട്: പാലക്കാട് ആര്എസ്എസ് (RSS) പ്രവര്ത്തകന് സഞ്ജിത് വധക്കേസില് ആയുധങ്ങള് തയ്യാറാക്കി നല്കിയ ആള് പിടിയിലായി. കാമ്പ്രത്ത്ചള്ള സ്വദേശി ഷാജഹാനാണ് പിടിയിലായത്. ഇയാളുടെ അറസ്റ്റ് ഉടന് രേഖപ്പെടുത്തും.മറ്റു പ്രതികള്ക്കായി ലുക്കൗട്ട് നോട്ടീസ് പുറപ്പെടുവിക്കും. ഇന്നലെ അറസ്റ്റിലായ പ്രതി നസീറിന്റെ സുഹൃത്താണ് ഷാജഹാന്.
കൊലയില് നേരിട്ട് പങ്കെടുത്ത മൂന്ന് പേരെ ഇനിയും അറസ്റ്റ് ചെയ്യാനുണ്ട്. ഇവരെ കുറിച്ചുള്ള വിവരങ്ങള് ഷാജഹാനില് നിന്നും തേടാനാണ് അന്വേഷണസംഘത്തിന്റെ നീക്കം. അതേസമയം സഞ്ജിത്തിന്റെ കൊലപാതകത്തില് സിബിഐ അന്വേഷണം ആവശ്യപ്പെട്ട് സഞ്ജിത്തിന്റെ ഭാര്യ അര്ഷിക ഹൈക്കോടതിയില് ഹര്ജി സമര്പ്പിച്ചിരുന്നു. നിലവിലെ ലോക്കല് പൊലീസ് അന്വേഷണം കാര്യക്ഷമമല്ലെന്ന് ഹര്ജിയില് വ്യക്തമാക്കുന്നു. പ്രതികളെ കുറിച്ചുള്ള കൃത്യമായ വിവരം ലഭിച്ചിട്ടും കേസ് അട്ടിമറിക്കാന് പൊലീസ് ശ്രമിക്കുകയാണെന്നാണ് ബിജെപിയുടെ ആരോപണം.

