തിരുവനന്തപുരം: നഗരത്തിലെ റോഡിലൂടെ നടന്നുപോവുകയായിരുന്ന യുവതിക്കുനേരെ ലൈംഗികാതിക്രമം നടത്തിയ പ്രതിയെ പൊലീസ് പിടികൂടി. കരുംകുളം പുതിയതുറ ഉരിയരികുന്ന് വീട്ടില്‍ ടൈറ്റസിനെയാണ്(30) പൊലീസ് അറസ്റ്റ് ചെയ്തത്.
പാളയം സാഫല്യം കോംപ്ലക്സിന് സമീപം വെള്ളിയാഴ്ച വൈകുന്നേരം നാലിനാണ് സംഭവം. റോഡിലൂടെ നടന്നുപോവുകയായിരുന്ന യുവതിയെ പ്രതി കയറിപ്പിടിക്കുകയും ബലം പ്രയോഗിച്ച്‌ ലൈംഗികാതിക്രമം നടത്തുകയുമായിരുന്നു. ഇയാള്‍ സമാനസ്വഭാവമുള്ള കേസുകളില്‍മുൻപും പ്രതിയായിട്ടുണ്ട്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
