ജർമ്മനിയിലെ മദർ ആൻഡ് ചൈൽഡ് ഷെൽട്ടറിൽ വെടിവെപ്പ്! മരണസംഖ്യ 6 ആയി! തുർക്കിഷ് മുസ്ലിമായ അക്രമി ഉൾപ്പെടെ മൂന്നുപേർ കസ്റ്റഡിയിൽ

വടക്കൻ ജർമ്മനിയിലെ ഹാംബർഗ് നഗരത്തിന് സമീപമുള്ള സ്റ്റേഡിലെ ‘മദർ ആൻഡ് ചൈൽഡ്’ കെയർ ഷെൽട്ടറിലുണ്ടായ വെടിവെപ്പിൽ കൊല്ലപ്പെട്ടവരുടെ എണ്ണം ആറായി. ആക്രമണത്തിൽ പരിക്കേറ്റ് ആശുപത്രിയിൽ ചികിത്സയിലായിരുന്ന ജീവനക്കാരൻ കൂടി മരണപ്പെട്ടതോടെയാണ് മരണസംഖ്യ ഉയർന്നത്. കുട്ടിയുടെ സംരക്ഷണാവകാശത്തെ ചൊല്ലിയുള്ള തർക്കമാണ് വലിയ കൂട്ടക്കൊലപാതകത്തിൽ കലാശിച്ചതെന്നാണ് ജർമ്മൻ പോലീസിന്റെ പ്രാഥമിക അന്വേഷണ റിപ്പോർട്ട്. 45-കാരനായ തുർക്കിഷ് മുസ്ലിമായ അക്രമി ഉൾപ്പെടെ മൂന്നുപേരെ സുരക്ഷാസേന സംഭവസ്ഥലത്തുനിന്ന് അറസ്റ്റ് ചെയ്തു. നിലവിൽ പൊതുജനങ്ങൾക്ക് മറ്റ് സുരക്ഷാ ഭീഷണികൾ ഇല്ലെന്നും കുറ്റവാളികൾക്ക് കനത്ത ശിക്ഷ ഉറപ്പാക്കുമെന്നും പോലീസ് അധികൃതർ വ്യക്തമാക്കി.

കഴിഞ്ഞ ദിവസം ഉച്ചയോടെയാണ് ജർമ്മനിയെ നടുക്കിയ ക്രൂരമായ അക്രമസംഭവം അരങ്ങേറിയത്. ഹാനോവർ സ്വദേശിയായ പ്രതിക്ക് ഷെൽട്ടറിലെ ഉദ്യോഗസ്ഥരുമായി കൂടിക്കാഴ്ചയ്ക്ക് മുൻകൂട്ടി നിശ്ചയിച്ച സമയം നൽകിയിരുന്നു. എന്നാൽ, കൂടിക്കാഴ്ചയ്ക്കിടെ പ്രകോപിതനായ ഇയാൾ കയ്യിൽ കരുതിയിരുന്ന ആയുധമെടുത്ത് ജീവനക്കാരുടെ നേർക്ക് ആസൂത്രിതമായി വെടിയുതിർക്കുകയായിരുന്നു. വെടിയേറ്റ നാല് സ്ത്രീകളും രണ്ട് പുരുഷന്മാരും ഉൾപ്പെടെ മരിച്ച ആറുപേരും ഈ സംരക്ഷണ കേന്ദ്രത്തിലെ ജീവനക്കാരാണ്. അതേസമയം, അക്രമിയുടെ മൂന്ന് മാസം മാത്രം പ്രായമുള്ള പെൺകുഞ്ഞും കുട്ടിയുടെ അമ്മയും പൂർണ്ണ സുരക്ഷിതരാണെന്ന് പോലീസ് അറിയിച്ചു. വെടിവെപ്പിന് ശേഷം കാറിൽ രക്ഷപ്പെടാൻ ശ്രമിച്ച അക്രമിയെ പോലീസ് കാർ വളഞ്ഞ് സാഹസികമായി കീഴ്‌പ്പെടുത്തുകയായിരുന്നു.

സംരക്ഷണവും സുരക്ഷിതത്വവും നൽകേണ്ട ഒരു കേന്ദ്രത്തിൽ അക്രമം നടന്നതിൽ ജർമ്മൻ പ്രസിഡന്റ് ഫ്രാങ്ക് വാൾട്ടർ സ്റ്റെയിൻമെയർ കടുത്ത ഞെട്ടലും അനുശോചനവും രേഖപ്പെടുത്തി. ത്.