ഫാ കോട്ടൂരിന്റെ ലിംഗാഗ്രത്തെ ക്യാൻസർ വിധിയെ സ്വാധീനിക്കുമോ? അഭയാ കേസ് ഇന്ന് ക്ലൈമാക്സിലേക്ക്: ശിക്ഷാവിധി 11 മണിക്ക്

തിരുവനന്തപുരം: അഭയാ കേസ് ഇന്ന് ക്ലൈമാക്സിലേക്ക്. 28 വര്‍ഷം നീണ്ട നിയമ പോരാട്ടത്തിനു ശേഷമാണ് ഇന്ന് പ്രതികള്‍ക്ക് കോടതി ശിക്ഷ വിധിക്കുന്നത്. അതേസമയം സിസ്റ്റര്‍ അഭയാ കൊലക്കേസ് വിചാരണയ്ക്കിടെ തന്നെ ഫാ കോട്ടൂരിന്റെ അസുഖ വിവരം ചര്‍ച്ചയായിരുന്നു. ക്യാന്‍സര്‍ രോഗിയായ തനിക്ക് ചികില്‍യ്ക്ക് വേണ്ടി ശിക്ഷാ ഇളവ് അനുവദിക്കണമെന്ന് ഫാ കോട്ടൂര്‍ നിലപാട് എടുക്കും. രോഗിയായ കോട്ടൂരിനെ വധശിക്ഷയ്ക്ക് കോടതി വിധിക്കില്ലെന്ന വിലയിരുത്തലുമുണ്ട്. ഈ ചികില്‍സയും ഫാ കോട്ടൂരിനെ ശാരീരികമായി തളര്‍ത്തിയിരുന്നു. ഇതിനിടെയാണ് അഭയാ കേസിലെ വിധിയും.

എന്നാല്‍ ജയിലിലേക്ക് മാറ്റിയ ഫാ കോട്ടൂരിന് ഈ അസുഖം ഇനിയൊരു പിടിവള്ളിയാണ്. കൊലക്കയര്‍ ഒഴിവാക്കാനുള്ള വജ്രായുധമാണ് ഇതെന്നാണ് വിലയിരുത്തൽ. ഫാ.തോമസ് കോട്ടൂര്‍. സിസ്റ്റര്‍ സ്റ്റെഫി എന്നിവരാണ് കേസില്‍ വിചാരണ നേരിട്ട പ്രതികള്‍. രണ്ടാം പ്രതി ഫാ.ജോസ് പൂതൃക്കയില്‍, ക്രൈം ബ്രാഞ്ച് മുന്‍ എസ്‌പി കെടി മൈക്കിള്‍ എന്നിവരെ നേരത്തെ കുറ്റവിമുക്തരാക്കിയിരുന്നു.

വിചാരണ നേരിട്ട രണ്ടു പേരും കുറ്റക്കാരെന്ന് കോടതി കണ്ടെത്തി. ഇന്ന് കോടതി ചേരുമ്പോള്‍ ശിക്ഷാ വിധിയിലെ വാദം കേള്‍ക്കും. അതിന് ശേഷമാകും വിധി പ്രസ്താവം. പരമാവധി ശിക്ഷയ്ക്ക് വേണ്ടി സിബിഐ വാദിക്കും. അവിഹിതം കണ്ടതിന്റെ പേരിലെ കൊല അപൂര്‍വ്വങ്ങളില്‍ അത്യപൂര്‍വ്വമാണ്. ദൈവത്തിന്റെ വഴിയേ നടക്കുന്നുവെന്ന പുകമറ സൃഷ്ടിച്ചാണ് പ്രതികള്‍ കൊലപാതകം നടത്തിയത്. അതുകൊണ്ട് തന്നെ ഇത്തരക്കാര്‍ക്ക് വധശിക്ഷ നല്‍കണമെന്ന് തന്നെ വാദിക്കും.