സൈനിക താവളങ്ങളും റെയിൽവേ സ്റ്റേഷനും ലക്ഷ്യമിട്ട് സൗരോർജ്ജ സിസിടിവി ക്യാമറകൾ ! ദൃശ്യങ്ങൾ തത്സമയം പാകിസ്ഥാനിലേക്ക് !! സംഘത്തിൽ അഞ്ച് പ്രായപൂർത്തിയാകാത്ത കുട്ടികളും!! ഗാസിയാബാദിൽ പാക് ചാരശൃംഖല തകർത്ത് യുപി പോലീസ് ; 22 പേർ പിടിയിൽ

സൈനിക താവളങ്ങളും റെയിൽവേ സ്റ്റേഷനും ലക്ഷ്യമിട്ട് സൗരോർജ്ജ സിസിടിവി ക്യാമറകൾ ! ദൃശ്യങ്ങൾ തത്സമയം പാകിസ്ഥാനിലേക്ക് !! സംഘത്തിൽ അഞ്ച് പ്രായപൂർത്തിയാകാത്ത കുട്ടികളും!! ഗാസിയാബാദിൽ പാക് ചാരശൃംഖല തകർത്ത് യുപി പോലീസ് ; 22 പേർ പിടിയിൽ

ഉത്തർപ്രദേശിലെ ഗാസിയാബാദ് കേന്ദ്രീകരിച്ച് പ്രവർത്തിച്ചിരുന്ന വൻ പാക് ചാരശൃംഖലയെ തകർത്ത് ഉത്തർപ്രദേശ് പോലീസ്. പാകിസ്ഥാൻ ആസ്ഥാനമായുള്ള ഭീകരസംഘടനകളുടെ നിർദ്ദേശപ്രകാരം ഇന്ത്യയിലെ സൈനിക താവളങ്ങളുടെയും റെയിൽവേ സ്റ്റേഷനുകളുടെയും വിവരങ്ങൾ ചോർത്തി നൽകിയിരുന്ന 22 പേരെയാണ് ഇതുവരെ അറസ്റ്റ് ചെയ്തത്. ഇതിൽ അഞ്ച് പ്രായപൂർത്തിയാകാത്ത കുട്ടികളും ഉൾപ്പെടുന്നു. ഗാസിയാബാദിലെ കൗശാമ്പി പോലീസ് സ്റ്റേഷനിൽ ലഭിച്ച രഹസ്യവിവരത്തെത്തുടർന്ന് നടത്തിയ അന്വേഷണമാണ് രാജ്യത്തെ ഞെട്ടിച്ച ഈ ചാരവൃത്തിയുടെ ചുരുളഴിച്ചത്.

സൈനിക താവളങ്ങളുടെയും റെയിൽവേ ലൈനുകളുടെയും ചിത്രങ്ങളും വീഡിയോകളും പകർത്തി അതിർത്തിക്കപ്പുറത്തേക്ക് അയക്കുകയായിരുന്നു ഈ സംഘത്തിന്റെ പ്രധാന ജോലി. ഓരോ ദൗത്യത്തിനും അയ്യായിരം മുതൽ ഇരുപതിനായിരം രൂപ വരെയാണ് ഇവർക്ക് പ്രതിഫലമായി ലഭിച്ചിരുന്നത്. ദില്ലി -ജമ്മു റെയിൽവേ പാതയിൽ സൗരോർജ്ജത്തിൽ പ്രവർത്തിക്കുന്ന സിസിടിവി ക്യാമറകൾ സ്ഥാപിച്ച് സൈനിക നീക്കങ്ങൾ തത്സമയം പാകിസ്ഥാനിലേക്ക് എത്തിക്കാൻ ഇവർ പദ്ധതിയിട്ടിരുന്നതായി പ്രത്യേക അന്വേഷണ സംഘം (SIT) കണ്ടെത്തി. ഡൽഹി കാന്റോൺമെന്റിലും ഹരിയാനയിലെ സോണിപ്പത്തിലും ഇത്തരത്തിലുള്ള ക്യാമറകൾ ഇവർ ഇതിനോടകം സ്ഥാപിച്ചിരുന്നു.

പിടിയിലായവരിൽ ഭൂരിഭാഗവും സാങ്കേതിക വിദ്യയിൽ അറിവുള്ള യുവാക്കളും സാമ്പത്തികമായി പിന്നാക്കം നിൽക്കുന്നവരുമാണ്. മൊബൈൽ റിപ്പയറിംഗ് കടകളിലും സിസിടിവി ജോലികളിലും ഏർപ്പെട്ടിരുന്നവരെയാണ് പാക് ഹാന്റ്‌ലർമാർ ഇതിനായി തിരഞ്ഞെടുത്തത്. സുഹൈൽ മാലിക്, നൗഷാദ് അലി, സമീർ തുടങ്ങിയവരാണ് പാകിസ്താനിലിരുന്ന് ഈ ശൃംഖലയെ നിയന്ത്രിച്ചിരുന്നത്. സോഷ്യൽ മീഡിയ വഴിയും എൻക്രിപ്റ്റഡ് മെസ്സേജിങ് ആപ്പുകൾ വഴിയുമാണ് ഇവർ നിർദ്ദേശങ്ങൾ നൽകിയിരുന്നത്. സിവിലിയൻ വേഷങ്ങളിൽ സംശയം തോന്നാത്ത രീതിയിൽ വിവരങ്ങൾ ശേഖരിക്കാൻ സ്ത്രീകളെയും കുട്ടികളെയും ഇവർ വ്യാപകമായി ഉപയോഗിച്ചിരുന്നു.

ഇന്ത്യൻ നമ്പറുകൾ ഉപയോഗിച്ച് വിദേശത്തിരുന്ന് വാട്സാപ്പ്, സോഷ്യൽ മീഡിയ അക്കൗണ്ടുകൾ പ്രവർത്തിപ്പിക്കാൻ സഹായിക്കുന്ന ഒടിപി (OTP) തട്ടിപ്പ് സംഘവും ഈ ശൃംഖലയുടെ ഭാഗമായിരുന്നു. ഉത്തർപ്രദേശ്, ബിഹാർ, മഹാരാഷ്ട്ര എന്നിവിടങ്ങളിലും നേപ്പാളിലും ഈ സംഘത്തിന് ബന്ധങ്ങളുണ്ട്. ജമ്മു കാശ്മീരിൽ മറ്റൊരു വലിയ ഭീകരാക്രമണത്തിന് മുന്നോടിയായുള്ള നിരീക്ഷണമാണ് ഇവർ നടത്തിയിരുന്നതെന്നാണ് സുരക്ഷാ ഏജൻസികളുടെ നിഗമനം. എൻഐഎ, എടിഎസ്, വിവിധ സംസ്ഥാനങ്ങളിലെ പോലീസ് വിഭാഗങ്ങൾ എന്നിവർ സംയുക്തമായി അന്വേഷണം തുടരുകയാണ്.

ഉത്തർപ്രദേശിലെ ഗാസിയാബാദ് കേന്ദ്രീകരിച്ച് പ്രവർത്തിച്ചിരുന്ന വൻ പാക് ചാരശൃംഖലയെ തകർത്ത് ഉത്തർപ്രദേശ് പോലീസ്. പാകിസ്ഥാൻ ആസ്ഥാനമായുള്ള ഭീകരസംഘടനകളുടെ നിർദ്ദേശപ്രകാരം ഇന്ത്യയിലെ സൈനിക താവളങ്ങളുടെയും റെയിൽവേ സ്റ്റേഷനുകളുടെയും വിവരങ്ങൾ ചോർത്തി നൽകിയിരുന്ന 22 പേരെയാണ് ഇതുവരെ അറസ്റ്റ് ചെയ്തത്. ഇതിൽ അഞ്ച് പ്രായപൂർത്തിയാകാത്ത കുട്ടികളും ഉൾപ്പെടുന്നു. ഗാസിയാബാദിലെ കൗശാമ്പി പോലീസ് സ്റ്റേഷനിൽ ലഭിച്ച രഹസ്യവിവരത്തെത്തുടർന്ന് നടത്തിയ അന്വേഷണമാണ് രാജ്യത്തെ ഞെട്ടിച്ച ഈ ചാരവൃത്തിയുടെ ചുരുളഴിച്ചത്.

സൈനിക താവളങ്ങളുടെയും റെയിൽവേ ലൈനുകളുടെയും ചിത്രങ്ങളും വീഡിയോകളും പകർത്തി അതിർത്തിക്കപ്പുറത്തേക്ക് അയക്കുകയായിരുന്നു ഈ സംഘത്തിന്റെ പ്രധാന ജോലി. ഓരോ ദൗത്യത്തിനും അയ്യായിരം മുതൽ ഇരുപതിനായിരം രൂപ വരെയാണ് ഇവർക്ക് പ്രതിഫലമായി ലഭിച്ചിരുന്നത്. ദില്ലി -ജമ്മു റെയിൽവേ പാതയിൽ സൗരോർജ്ജത്തിൽ പ്രവർത്തിക്കുന്ന സിസിടിവി ക്യാമറകൾ സ്ഥാപിച്ച് സൈനിക നീക്കങ്ങൾ തത്സമയം പാകിസ്ഥാനിലേക്ക് എത്തിക്കാൻ ഇവർ പദ്ധതിയിട്ടിരുന്നതായി പ്രത്യേക അന്വേഷണ സംഘം (SIT) കണ്ടെത്തി. ഡൽഹി കാന്റോൺമെന്റിലും ഹരിയാനയിലെ സോണിപ്പത്തിലും ഇത്തരത്തിലുള്ള ക്യാമറകൾ ഇവർ ഇതിനോടകം സ്ഥാപിച്ചിരുന്നു.

പിടിയിലായവരിൽ ഭൂരിഭാഗവും സാങ്കേതിക വിദ്യയിൽ അറിവുള്ള യുവാക്കളും സാമ്പത്തികമായി പിന്നാക്കം നിൽക്കുന്നവരുമാണ്. മൊബൈൽ റിപ്പയറിംഗ് കടകളിലും സിസിടിവി ജോലികളിലും ഏർപ്പെട്ടിരുന്നവരെയാണ് പാക് ഹാന്റ്‌ലർമാർ ഇതിനായി തിരഞ്ഞെടുത്തത്. സുഹൈൽ മാലിക്, നൗഷാദ് അലി, സമീർ തുടങ്ങിയവരാണ് പാകിസ്താനിലിരുന്ന് ഈ ശൃംഖലയെ നിയന്ത്രിച്ചിരുന്നത്. സോഷ്യൽ മീഡിയ വഴിയും എൻക്രിപ്റ്റഡ് മെസ്സേജിങ് ആപ്പുകൾ വഴിയുമാണ് ഇവർ നിർദ്ദേശങ്ങൾ നൽകിയിരുന്നത്. സിവിലിയൻ വേഷങ്ങളിൽ സംശയം തോന്നാത്ത രീതിയിൽ വിവരങ്ങൾ ശേഖരിക്കാൻ സ്ത്രീകളെയും കുട്ടികളെയും ഇവർ വ്യാപകമായി ഉപയോഗിച്ചിരുന്നു.

ഇന്ത്യൻ നമ്പറുകൾ ഉപയോഗിച്ച് വിദേശത്തിരുന്ന് വാട്സാപ്പ്, സോഷ്യൽ മീഡിയ അക്കൗണ്ടുകൾ പ്രവർത്തിപ്പിക്കാൻ സഹായിക്കുന്ന ഒടിപി (OTP) തട്ടിപ്പ് സംഘവും ഈ ശൃംഖലയുടെ ഭാഗമായിരുന്നു. ഉത്തർപ്രദേശ്, ബിഹാർ, മഹാരാഷ്ട്ര എന്നിവിടങ്ങളിലും നേപ്പാളിലും ഈ സംഘത്തിന് ബന്ധങ്ങളുണ്ട്. ജമ്മു കാശ്മീരിൽ മറ്റൊരു വലിയ ഭീകരാക്രമണത്തിന് മുന്നോടിയായുള്ള നിരീക്ഷണമാണ് ഇവർ നടത്തിയിരുന്നതെന്നാണ് സുരക്ഷാ ഏജൻസികളുടെ നിഗമനം. എൻഐഎ, എടിഎസ്, വിവിധ സംസ്ഥാനങ്ങളിലെ പോലീസ് വിഭാഗങ്ങൾ എന്നിവർ സംയുക്തമായി അന്വേഷണം തുടരുകയാണ്.