ഇത് രാജ്യത്തിന് അഭിമാന നിമിഷം ; എസ്എസ്എൽവി ഡി-2 വിക്ഷേപണം വിജയകരം, പുതിയ നേട്ടം കൈവരിച്ച് ഐഎസ്ആർഒ

ചെന്നൈ: ഇന്ത്യയുടെ പുതിയ റോക്കറ്റ് എസ്എസ്എൽവിയുടെ വിക്ഷേപണം വിജയകരാമായി പൂർത്തിയായി. രാവിലെ 9.18 ഓടെയാണ് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് റോക്കറ്റ് വിക്ഷേപിച്ചത്. ഈ ദൗത്യത്തിലൂടെ മൂന്ന് ഉപഗ്രഹങ്ങളെയാണ് എസ്എസ്എൽവി ബഹിരാകാശത്ത് എത്തിച്ചത്. ഭൗമ നിരീക്ഷണ ഉപഗ്രഹമായ ഇഒഎസ് 07, ഇന്തോ അമേരിക്കൻ കമ്പനിയായ അന്‍റാരിസിന്‍റെ, ജാനസ് 1, ഇന്ത്യയുടെ സ്പേസ് സ്റ്റാർട്ടപ്പായ സ്പേസ് കിഡ്സ് നിർമ്മിച്ച ആസാദി സാറ്റ് 2 തുടങ്ങിയവയാണ് ഭ്രമണപഥത്തിലെത്തിയത്.

ഭൂമധ്യരേഖയ്ക്ക് തൊട്ടടുത്തുള്ള ലോവർ എർത്ത് ഓർബിറ്റുകളിൽ മിനി, മൈക്രോ, നാനോ ഉപഗ്രഹങ്ങളെ എത്തിക്കുകയായിരുന്നു എസ്എസ്എൽവിയുടെ ലക്ഷ്യം . സ്പേസ് സെൻ്ററിൽ നിന്നും കുതിച്ചുയർന്ന് മിനിറ്റുകൾക്കകം തന്നെ എസ്.എസ്.എൽവി ഈ ദൗത്യം വിജയകരമാക്കി. ഈ വിജയത്തോടെ ബഹിരാകാശ വാണിജ്യ രംഗത്ത് വല്യ നേട്ടമാണ് ഇന്ത്യ കൈവരിച്ചിരിക്കുന്നത്.