കണ്ണൂരിൽ നിന്നും വീണ്ടും സ്റ്റീൽ ബോംബുകൾ കണ്ടെത്തി; പിടിച്ചെടുത്തത് അടച്ചിട്ട കടയിൽ നിന്നും, അന്വേഷണം ആരംഭിച്ച് പോലീസ്

കണ്ണൂർ: ജില്ലയിൽ നിന്നും വീണ്ടും ബോംബുകൾ കണ്ടെത്തി.പാനൂരിൽ നിന്ന് രണ്ട് സ്റ്റീൽ ബോംബുകളാണ് കണ്ടെത്തിയത്. സംഭവത്തിൽ പോലീസ് അന്വേഷണം ആരംഭിച്ചു. വള്ളങ്ങാട്ടെ കടയിൽ നിന്നുമാണ് ബോംബുകൾ കണ്ടെടുത്തത്.

ദീർഘനാളായി കട അടച്ചിട്ടിരിക്കുകയായിരുന്നു. ഇവിടെ വച്ച് ആരെങ്കിലും ബോംബ് നിർമ്മാണ പ്രവർത്തനങ്ങളിൽ ഏർപ്പെട്ടിരുന്നോ എന്നതാണ് ഇപ്പോൾ ഉയരുന്ന സംശയം. രാവിലെയോടെയാണ് ബോംബുകൾ കണ്ടെത്തിയത്. കടയിൽ ബോംബ് സ്‌ക്വാഡും പോലീസും ചേർന്ന് പരിശോധന നടത്തിയിരുന്നു. ഇതിലാണ് ബോംബുകൾ കണ്ടെത്തിയത്. പിന്നീട് ബോംബുകൾ നിർവ്വീര്യമാക്കി.

കഴിഞ്ഞ മെയ് മാസത്തിലും ഇവിടെ നിന്നും ബോംബുകൾ കണ്ടെത്തിയിരുന്നു. മേപ്പാട് ഭാഗത്ത് നിന്നും മൂന്ന് സ്റ്റീൽ ബോംബുകളാണ് കണ്ടെത്തിയത്.