കൊച്ചി: റിയല്‍ എസ്റ്റേറ്റ് ഇതര ലിവിങ് സര്‍വീസ് ദാതാക്കളായ അള്‍സര്‍വ് ടെക് സ്റ്റാര്‍ട്ടപ്പ് സേവനം ഇനി മുതല്‍ കൊച്ചിയിലും ലഭ്യമാകും. ചെന്നൈ ആസ്ഥാനമായ സ്റ്റാര്‍ട്ടപ്പ് വിപുലീകരണത്തിന്റെ ഭാഗമായാണ് കൊച്ചിയിലും സേവനം ആരംഭിച്ചത്. പ്രായമായവര്‍ക്ക് വേണ്ടി വീടുകള്‍ കേന്ദ്രീകരിച്ചുള്ള സേവനങ്ങളാണ് അള്‍സര്‍വ് നടത്തുക. 750 ല്‍പരം കുടുംബങ്ങളാണ് സ്റ്റാര്‍ട്ടപ്പ് കമ്പനിയുടെ ഹോം കെയര്‍ സേവനങ്ങള്‍ പ്രയോജനപ്പെടുത്തുന്നത്.
സേഫ്റ്റി ആന്റ് സെക്യൂരിറ്റി,ഹൗസ് കീപ്പിങ് ആന്റ് മെയിന്റനന്‍സ്,ഫുഡ് ആന്റ് കാറ്ററിങ് ,ഹെല്‍ത്ത് കെയര്‍ ,മെഡിക്കല്‍ ആന്റ് കണ്‍സേജ് സേവനങ്ങളാണ് നല്‍കുന്നത്. കോവിഡ് നിയന്ത്രണങ്ങളുള്ളതിനാല്‍ ഹൗസ് കീപ്പിങ് ആന്റ് മെയിന്റനന്‍സും ഹെല്‍ത്ത് കെയര്‍ ആന്റ് മെഡിക്കല്‍ സേവനങ്ങളും മാത്രമാണ് കൊച്ചിയില്‍ ആദ്യഘട്ടത്തില്‍ നല്‍കുക. പിന്നീട് മുഴുവന്‍ സര്‍വീസുകളും വ്യാപിപ്പിക്കും. നിലവില്‍ ഇരുപതോളം വളണ്ടിയര്‍മാരുമായി അള്‍സര്‍വ് പങ്കാളിത്തമുണ്ടാക്കിയിട്ടുണ്ട്.കോവിഡ് ആരംഭിച്ച ശേഷം ഉപയോക്താക്കളുടെ എണ്ണത്തില്‍ അഞ്ഞൂറ് ശതമാനത്തിന്റെ വര്‍ധനവാണ് രേഖപ്പെടുത്തിയിരിക്കുന്നത്. മുന്നൂറിലേറെ ഉപയോക്താക്കള്‍ക്ക് കോവിഡ് ദുരിതാശ്വാസം എത്തിക്കാനും അള്‍സര്‍വിന് സാധിച്ചിട്ടുണ്ട്.
