ഉത്തർപ്രദേശിൽ വന്ദേ ഭാരത് ട്രെയിനിന് നേരെ കല്ലേറ്; ജനൽ ചില്ല് തകർന്നു, ആർപി എഫ് ഇൻസ്പെക്ടർ സംഭവസ്ഥലം പരിശോധിക്കുന്നു

ഉത്തർപ്രദേശ്: ബരാബങ്കിയിലെ സഫേദാബാദ് റെയിൽവേ സ്റ്റേഷന് സമീപം ഗോരഖ്പൂരിൽ നിന്ന് ലഖ്‌നൗവിലേക്ക് പോവുകയായിരുന്ന വന്ദേ ഭാരത് ട്രെയിനിന് നേരെ കല്ലേറ്. കോച്ചിന്റെ ജനൽ ചില്ല് തകർന്നു. ആർപി എഫ് ഇൻസ്പെക്ടർ സംഭവസ്ഥലം പരിശോധിച്ചെങ്കിലും ഒന്നും കണ്ടെത്താനായില്ല.
ആക്രമണത്തിൽ ബരാബങ്കി റെയിൽവേ പോലീസ് അന്വേഷണം ആരംഭിച്ചിട്ടുണ്ട്.

സംഭവത്തിൽ പൊതുമുതൽ നശിപ്പിക്കൽ, യാത്രക്കാരുടെ ജീവൻ അപകടപ്പെടുത്തൽ ഉൾപ്പെടെയുള്ള വകുപ്പുകൾ പ്രകാരം കേസെടുത്തിട്ടുണ്ട്. കഴിഞ്ഞ മാസം അയോദ്ധ്യയിലും വന്ദേ ഭാരത് ട്രെയിനിന് നേരെ കല്ലേറുണ്ടായിരുന്നു.