സമരം ചെയ്യാൻ സർക്കാർ ഉദ്യോഗസ്ഥർക്ക് അവകാശമില്ലെന്ന് ഹൈക്കോടതി: സര്‍ക്കാര്‍ ഉടന്‍ ഉത്തരവിറക്കണമെന്ന് കോടതി

കൊച്ചി: സര്‍ക്കാര്‍ ഉദ്യോഗസ്ഥരുടെ സമരം തടയണമെന്ന് ഹൈക്കോടതി നിർദ്ദേശം. സമരം ചെയ്യാന്‍ സര്‍ക്കാര്‍ ഉദ്യോഗസ്ഥര്‍ക്ക് അവകാശമില്ലെന്നും, അവരുടെ സര്‍വീസ് ചട്ടങ്ങളില്‍ ഇത് വ്യക്തമാക്കണമെന്നും ചീഫ് ജസ്റ്റിസ് അദ്ധ്യക്ഷനായ ബെഞ്ച് വ്യക്‌തമാക്കി. സമരം തടയാനുള്ള സര്‍ക്കാര്‍ ഉടന്‍ ഉത്തരവ് അടിയന്തരമായി ഇറക്കണമെന്ന് ഹൈക്കോടതി നിര്‍ദേശം.

തിരുവനന്തപുരം സ്വദേശിയായ അഭിഭാഷകന്‍ സമര്‍പ്പിച്ച ഹര്‍ജി പരിഗണിച്ചുകൊണ്ടാണ് കോടതി ഉത്തരവ്. പണിമുടക്കിനോട് സഹകരിച്ച് ഇന്നും നാളെയും അവധിയെടുക്കുന്ന ജീവനക്കാര്‍ക്ക് ശമ്പളത്തോട് കൂടിയ അവധിയായിരുന്നു സർക്കാർ പറഞ്ഞിരുന്നത്. ഇത് നിയമവിരുദ്ധമാണെന്ന് കാണിച്ചായിരുന്നു ഹർജി നൽകിയത്.