തിരുവനതപുരം: സ്വർണക്കടത്ത് കേസ് പ്രതി സ്വപ്ന സുരേഷിന് വ്യാജ ബിരുദ സർട്ടിഫിക്കറ്റ് തയ്യാറാക്കിയയാൾ പിടിയിൽ. അമൃത്സർ സ്വദേശി സച്ചിൻ ദാസാണ് അറസ്റ്റിലായത്. കന്റോൺമെന്റ് പൊലീസാണ് പ്രതിയെ അറസ്റ്റ് ചെയ്തത്. സ്വപ്ന സുരേഷിന് സ്പേസ് പാർക്കിലെ ജോലിക്ക് വേണ്ടിയാണ് വ്യാജ സർട്ടിഫിക്കറ്റുണ്ടാക്കിയത്. 3.18 ലക്ഷം രൂപ മാസ ശമ്പളത്തിലായിരുന്നു നിയമനം.
ഐടി വകുപ്പിനു കീഴിലെ സ്പേസ് പാര്ക്കില് സ്വപ്ന നിയമനം നേടിയത് വ്യാജ സര്ട്ടിഫിക്കറ്റുകളുടെ അടിസ്ഥാനത്തിലാണെന്ന് ഇതിനോടക്കം പൊലീസ് കണ്ടെത്തിയിട്ടുണ്ട്. മഹാരാഷ്ട്രയിലെ ഡോ. ബാബ സാഹേബ് അംബേദ്കര് ടെക്നോളിക്കല് യൂണിവേഴ്സിറ്റിയില് നിന്ന് കൊമേഴ്സില് ബിരുദം നേടിയെന്ന തരത്തിലായിരുന്നു വ്യാജ രേഖകള് തയ്യാറാക്കിയത്.
2009 മുതല് 11 വരെയുള്ള കാലയളവില് പഠനം പൂര്ത്തിയാക്കിയെന്നാണ് രേഖ. ഐപിസി 198, 464, 468, 471 എന്നിവയും ഇന്ഫര്മേഷന് ടെക്നോളജി ആക്ടിന്റെ ലംഘനവും ഉള്പ്പെടുത്തിയാണ് കേസെടുത്തിട്ടുള്ളത്. രേഖകള് വ്യാജമെന്ന് കണ്ടെത്തിയതോടെയാണ് സര്വകലാശാലയില് നേരിട്ടെത്തി പൊലീസ് പരിശോധന നടത്തിയത്. അതിന് പിന്നാലെയായിരുന്നു അമൃത്സർ സ്വദേശി പിടിയിലായതും.
