ദന്താരോഗ്യത്തിന് ആവശ്യമായവ എന്തൊക്കെയെന്ന് അറിയാമോ

പോഷക സമൃദ്ധമായ ഭക്ഷണം കഴിക്കേണ്ടത് ദന്താരോഗ്യത്തിന് വളരെ അത്യാവശ്യമാണ്. ആരോഗ്യമുള്ള പല്ലുകള്‍, മോണ, നാക്ക്, ഇമിനീര്‍ ഉത്പാദനം എന്നിവക്കെല്ലാം പോഷക സമൃദ്ധമായ ഭക്ഷണം പ്രധാന പങ്ക് വഹിക്കുന്നുണ്ട്. സ്ത്രീയുടെ ജീവിതം ഓരോ ഘട്ടത്തിലും പല ഹോര്‍മോണ്‍ വ്യതിയാനങ്ങളില്‍ കൂടി കടന്നുപോകുന്നതാണ്. ഈ സാഹചര്യങ്ങളില്‍ ശ്രദ്ധിച്ചില്ലെങ്കില്‍ അവളുടെ ദന്താരോഗ്യത്തെ പ്രതികൂലമായി ബാധിക്കാം.

ആരോഗ്യമുള്ള പല്ലുകള്‍ക്കും മോണക്കും പോഷക സമൃദ്ധമായ ആഹാരം അത്യന്താപേക്ഷിതമാണ്.
സ്ത്രീ ഹോര്‍മോണായ ഈസ്ട്രജനും പ്രൊജസ്‌ട്രോണും കൂടുന്ന ആര്‍ത്തവ സമയത്ത് മോണകളില്‍ അണുബാധയുണ്ടാകാന്‍ സാധ്യതയേറെയാണ്. തവിടോടുകൂടിയുള്ള ധാന്യങ്ങള്‍, പയറു, പരിപ്പ് വര്‍ഗങ്ങള്‍, പച്ചക്കറികളും പഴവര്‍ഗങ്ങളും പാലും പാലുത്പന്നങ്ങളും കൊഴുപ്പും എല്ലാം അടങ്ങിയ ഒരു സന്തുലിത ഭക്ഷണ ക്രമമാണ് ദന്താരോഗ്യത്തിന് വേണ്ടത്.

ഹോര്‍മോണ്‍ വ്യതിയാനം മൂലം ഗര്‍ഭിണികളിലും മോണയില്‍ പഴുപ്പും രക്തസ്രാവവും ഉണ്ടാകാറുണ്ട്. ഈ പ്രശ്‌നങ്ങളെല്ലാം അവരുടെ ആഹാരരീതികളെയും ദന്താരോഗ്യത്തെയും ബാധിക്കാം.