ക്ഷേത്രം ആക്രമിച്ചു, വിഗ്രഹങ്ങൾ അടിച്ചു തകർത്തു; ഒറ്റപ്പാളയം സ്വദേശികളായ സഹുൽ ഹമ്മദ്, മുഹമ്മദ് സിദിഖ് ബാഷ എന്നിവർ അറസ്റ്റിൽ

ചെന്നൈ: ക്ഷേത്രത്തിലെ വിഗ്രഹങ്ങൾ അടിച്ചു തകർത്ത (Temple Attacked In Tamil Nadu) സംഭവത്തിൽ തമിഴ്‌നാട്ടിൽ രണ്ടുപേർ അറസ്റ്റിൽ. തിരുപ്പൂരിലായിരുന്നു സംഭവം. പ്രദേശത്തെ അമ്മൻ മൂർത്തി ക്ഷേത്രത്തിലെ വിഗ്രഹങ്ങൾക്ക് നേരെയാണ് ആക്രമണം ഉണ്ടായത്. മദ്യലഹരിയിൽ ആയിരുന്നു ആക്രമണം

സംഭവത്തിൽ ഒറ്റപ്പാളയം സ്വദേശികളായ സഹുൽ ഹമ്മദ്, മുഹമ്മദ് സിദിഖ് ബാഷ എന്നിവരാണ് അറസ്റ്റിലായത്. തിങ്കളാഴ്ചയാണ് ഇരുവരും ചേർന്ന് ക്ഷേത്രത്തിലെ വിഗ്രഹങ്ങൾ അടിച്ചു തകർത്തത്.മദ്യപിച്ച് അവശരായി എത്തിയ ഇരുവരും ക്ഷേത്രത്തിന് മുൻപിൽ ഇരിക്കുന്നത് പ്രദേശവാസിയായ സ്ത്രീ ചോദ്യം ചെയ്തു. ഇതോടെ സ്ത്രീയും യുവാക്കളും തമ്മിൽ വാക്കുതർക്കം ഉണ്ടായി. ഇതിനിടെയാണ് ഇരുവരും ചേർന്ന് വിഗ്രഹങ്ങൾ തകർത്തത്. സംഭവത്തിൽ ക്ഷേത്രം അധികൃതർ പോലീസിൽ പരാതി നൽകി. ഇതിന്റെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് ഇരുവരെയും അറസ്റ്റ് ചെയ്തത്.