തിരുവനന്തപുരം: തുലാവർഷത്തിന് തുടക്കം. ഇന്ന് തെക്കേ ഇന്ത്യൻ തീരത്ത് തുലാവർഷമെത്തും. തമിഴ്നാട്ടിലാണ് തുലാവർഷം ആദ്യം എത്തുന്നത്. ഇതിൽ വടക്കൻ തമിഴ്നാട്ടിൽ ആദ്യം മഴ കിട്ടി തുടങ്ങും. നാളെയോടെ തുലാവർഷം കേരളാ തീരത്തെത്തുമെന്നാണ് കാലാവസ്ഥാ നിരീക്ഷണ കേന്ദ്രം നൽകുന്ന മുന്നറിയിപ്പ്.
ഇന്ന് സംസ്ഥാനത്തിന്റെ കിഴക്കൻ മേഖലകളിൽ ഇടിയോട് കൂടിയ ഒറ്റപ്പെട്ട മഴ ലഭിക്കും. ഈ സാഹചര്യത്തിൽ നാളെ അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കൊല്ലം, പത്തനംതിട്ട,കോട്ടയം, ഇടുക്കി, പാലക്കാട് എന്നീ ജില്ലകളിലാണ് നാളെ യെല്ലോ അലർട്ട്.
അടുത്ത ദിവസം തെക്കൻ തമിഴ്നാട് തീരത്ത് ചക്രവാതച്ചുഴി രൂപപ്പെടാൻ സാധ്യതയുണ്ട്. ഇത് കൂടുതൽ മഴയ്ക്ക് കാരണമായേക്കും.
