സംസ്ഥാന സെക്രട്ടറിക്ക് പുല്ല് വിലപാർട്ടിയിലെ ‘കുടിയന്മാരെ’ അച്ചടക്ക നടപടികളിൽ നിന്നൊഴിവാക്കിസിപിഎം ജില്ലാനേതൃത്വം : എസ്എഫ്ഐ ജില്ലാകമ്മിറ്റി പിരിച്ചുവിട്ടില്ല

തിരുവനന്തപുരം : പാര്‍ട്ടിക്ക് ചീത്തപ്പേരുണ്ടാക്കിയ എസ്എഫ്ഐ തിരുവനന്തപുരം ജില്ലാനേതാക്കളോട് മൃദുസമീപനവുമായി സിപിഎം ജില്ലാ നേതൃത്വം. എസ്എഫ്ഐ ജില്ലാ പ്രസിഡന്‍റും സെക്രട്ടറിയും മദ്യലഹരിയിലെന്നു തെളിയിക്കുന്ന വിഡിയോ പുറത്തായതിനെ തുടർന്ന് ജില്ലാ കമ്മിറ്റി പിരിച്ചുവിടാന്‍ സംസ്ഥാന സെക്രട്ടറി എം.വി.ഗോവിന്ദന്‍ നിർദേശം നൽകിയിരുന്നു. സംസ്ഥാനസെക്രട്ടറി പങ്കെടുത്ത എസ്എഫ്ഐ ജില്ലാ ഫ്രാക്‌ഷന്‍ യോഗത്തിലാണ് സംസ്ഥാന സെക്രട്ടറി ഈ നിര്‍ദേശം നല്‍കിയത്. എന്നാല്‍ ഒരു നടപടിയും ഉണ്ടായില്ല. ജില്ലാ സെക്രട്ടേറിയറ്റിലെ പ്രമുഖന്റെ സംരക്ഷണമുള്ളതിനാലാണ് എസ്എഫ്ഐ തിരുവനന്തപുരം ജില്ലാനേതാക്കൾക്കെതിരെ നടപടിയുണ്ടാകാത്തതെന്നാണു പാര്‍ട്ടിയിലെ ആരോപണം

ലഹരിവിരുദ്ധ പരിപാടിയില്‍ പങ്കെടുത്തതിനുശേഷം ബാറിൽ കയറി മദ്യപിച്ച സിപിഎം നേതാവിനെതിരായ നടപടി തീരുമാനിക്കാന്‍ നേമം ഏരിയ കമ്മിറ്റി ഇന്നു യോഗം ചേരും. ലഹരിവിരുദ്ധ പരിപാടിക്കുശേഷം മദ്യപിച്ച ഡിവൈഎഫ്ഐ നേതാക്കളെ സംഘടന പുറത്താക്കിയിട്ടുണ്ട് . ഇവരില്‍ ഡിവൈഎഫ്ഐ ജില്ലാ കമ്മിറ്റിയംഗമായ ജെ.ജെ.അഭിജിത് സിപിഎം നേമം ഏരിയ കമ്മിറ്റിയംഗം കൂടിയാണ്. ഇദ്ദേഹത്തിനെതിരായ അച്ചടക്ക നടപടിയില്‍ ഇന്ന് തീരുമാനമുണ്ടാകും.

ദത്തുവിവാദം, കത്തുവിവാദം, വിദ്യാര്‍ഥി – യുവജന സംഘടനാ നേതാക്കള്‍ക്കെതിരായ ലഹരി, പീഡന ആരോപണങ്ങള്‍ തുടങ്ങി തിരുവനന്തപുരത്തെ സിപിഎമ്മില്‍ തൊടുന്നതെല്ലാം പിഴയ്ക്കുന്ന സ്ഥിതിയാണ് ഇപ്പോൾ കാണാനാകുന്നത്.