ബൈഡൻ ഭരണകൂടം സസ്പെൻഡ് ചെയ്ത അമേരിക്കയുടെ ഇറാനിലുള്ള പ്രത്യേക പ്രതിനിധി റോബർട്ട് മാലി അമേരിക്കയെയും സഖ്യകക്ഷി സർക്കാരുകളെയും സ്വാധീനിക്കാൻ രൂപകൽപ്പന ചെയ്ത ഒരു ഇറാനിയൻ ഇന്റലിജൻസ് ഓപ്പറേഷന് ധനസഹായം നൽകാനും പിന്തുണയ്ക്കാനും നയിക്കാനും സഹായിച്ചതായി വ്യക്തമാക്കുന്ന ഇറാനിയൻ സർക്കാർ ഇമെയിലുകൾ പുറത്തായി. അമേരിക്കയിലെ പ്രമുഖ അഭിഭാഷകനും രാഷ്ട്രീയ ശാസ്ത്രജ്ഞനും നയതന്ത്ര സംഘർഷ പരിഹാര വിദഗ്ധനുമാണ് റോബർട്ട് മാലി .
അമേരിക്കൻ പ്രതിരോധ സ്ഥാപനങ്ങളായ സ്റ്റേറ്റ് ഡിപ്പാർട്ട്‌മെന്റിലും ഇപ്പോൾ പെന്റഗണിൽ സ്പെഷ്യൽ ഓപ്പറേഷനുകൾക്കായുള്ള പ്രതിരോധ അസിസ്റ്റന്റ് സെക്രട്ടറി ക്രിസ്റ്റഫർ മെയ്യറിന്റെ ചീഫ് സ്റ്റാഫായി സേവനമനുഷ്ഠിക്കുന്ന ഏരിയൻ തബതാബായി എന്ന ഇറാനിയൻ ഏജന്റിനെ പ്രതിരോധ സ്ഥാപനങ്ങളിൽ നുഴഞ്ഞുകയറാൻ മല്ലി സഹായിച്ചതായി ഇ മെയിൽ സന്ദേശങ്ങളടക്കം നൽകിക്കൊണ്ട് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തു .ഏരിയൻ തബതാബായി എല്ലാ നിയമങ്ങളും നയങ്ങളും ശരിയായി പാലിച്ചിട്ടുണ്ടോ എന്ന് പ്രതിരോധ വകുപ്പ് സജീവമായി പരിശോധിക്കുകയാണെന്ന് ക്രിസ്റ്റഫർ മെയ്യർ വ്യക്തമാക്കി. 2021 ഫെബ്രുവരിയിലാണ് സ്റ്റേറ്റ് ഡിപ്പാർട്ട്‌മെന്റിലെ തന്റെ ഇറാൻ ടീമിൽ ചേരാൻ മല്ലി ഏരിയൻ തബതാബായിയെ നിയമിക്കുന്നത്.
2019 ൽ, ഇറാനുമായുള്ള ചരിത്രപരമായ സംയുക്ത സമഗ്രമായ പ്രവർത്തന പദ്ധതി (ജെസിപിഒഎ) കരാറിന്റെ ഒബാമ ഭരണകൂടത്തിന്റെ പ്രതിനിധിയായിരുന്ന മാലിയുമായി ഇറാൻ വിദേശകാര്യ മന്ത്രി മുഹമ്മദ് ജവാദ് സരീഫ് ന്യൂയോർക്കിൽ കൂടിക്കാഴ്ച നടത്തിയിരുന്നു. 2019 സെപ്റ്റംബറിൽ ഇറാനുമായുള്ള വർദ്ധിച്ചുവരുന്ന സംഘർഷം ലഘൂകരിക്കുന്നതിന് ഇറാനിയൻ ഉന്നത ഉദ്യോഗസ്ഥരുമായി ആശയവിനിമയത്തിന്റെ ഒരു ബാക്ക് ചാനൽ തുറക്കാൻ യുഎൻ ജനറൽ അസംബ്ലി യോഗത്തെ ഉപയോഗപ്പെടുത്താൻ അന്നത്തെ പ്രസിഡന്റ് ട്രംപ് ആഗ്രഹിച്ചുവെങ്കിലും അത് നടന്നിരുന്നില്ല.
