ഇപി ജയരാജനെതിരായ ആരോപണം; പിബി യോഗം ഇന്ന് ചർച്ച ചെയ്‌തേക്കും,അന്വേഷണം കേരളത്തിൽ തന്നെ നടക്കട്ടെയെന്ന നിലപാടിലുറച്ച് നേതാക്കൾ

ഇപി ജയരാജനെതിരായ സാമ്പത്തിക ആരോപണം ഡൽഹിയിൽ തുടരുന്ന സിപിഎം പോളിറ്റ് ബ്യൂറോ യോഗം ഇന്ന് ചർച്ച ചെയ്‌തേക്കും. വിഷയം ആരെങ്കിലും ഉന്നയിച്ചാൽ ചർച്ച ചെയ്യുമെന്നാണ് നേതാക്കൾ പറയുന്നത്. വിഷയം ഉന്നയിക്കപ്പെട്ടാൽ സംസ്ഥാന സെക്രട്ടറിയിൽ നിന്നും വിവരം തേടും. അന്വേഷണം കേരളത്തിൽ തന്നെ നടക്കട്ടെയെന്ന നിലപാടാണ് നേതാക്കൾക്കുള്ളത്.വിഷയത്തിൽ കേന്ദ്രതലത്തിലെ ചർച്ച ഒഴിവാക്കാനാണ് സംസ്ഥാന നേതൃത്വത്തിന്റെയും ശ്രമം. ആരോപമം മാധ്യമസൃഷ്ടിയാണെന്നും പിബിയിൽ ചർച്ച ചെയ്യേണ്ടതില്ലെന്നും എംവി ഗോവിന്ദൻ പറഞ്ഞിരുന്നു.

എന്നാൽ വിഷയത്തിൽ ഇടപെടാൻ മടി കാണിക്കില്ലെന്ന സൂചനയാണ് ജനറൽ സെക്രട്ടറി സീതാറാം യെച്ചൂരി നൽകിയത്. കേരളത്തിലെ വിഷയങ്ങളിലും ചർച്ചയുണ്ടെന്ന് യെച്ചൂരി ഇന്നലെ പറഞ്ഞിരുന്നു.
അന്വേഷണമുണ്ടായാൽ അതിന്റെ റിപ്പോർട്ട് കേന്ദ്ര നേതാക്കളും ചർച്ച ചെയ്യും. ഇന്നലെ പിബി യോഗം ആരംഭിക്കുന്നതിന് മുമ്പ് മുഖ്യമന്ത്രി എകെജി ഭവനിലെത്തി യെച്ചൂരിയെയും പ്രകാശ് കാരാട്ടിനെയും കണ്ടിരുന്നു.