സൂറിച്ച് : ഏറ്റവും പുതിയ ഫിഫ റാങ്കിങ്ങില് ഇന്ത്യ 99-ാം സ്ഥാനത്ത്. ഇന്ന് പുറത്തുവിട്ട റാങ്കിങ് പട്ടികയിലാണ് ഇന്ത്യ ഒരു സ്ഥാനം കൂടി മെച്ചപ്പെടുത്തിയത്. ഇന്റര്കോണ്ടിനെന്റല് കപ്പ്, സാഫ് ചാമ്പ്യന്ഷിപ്പ് വിജയങ്ങളാണ് റാങ്കിങ്ങിൽ മുന്നോട്ടു പോകാൻ ഇന്ത്യയെ സഹായിച്ചത്. 1208.69 പോയന്റുമായാണ് ഇന്ത്യ 99-ാം സ്ഥാനത്തെത്തിയിരിക്കുന്നത്. 1996 ഫെബ്രുവരിയില് 94-ാം സ്ഥാനത്തെത്തിയതാണ് ഫിഫ റാങ്കിങ്ങില് ഇന്ത്യയുടെ ചരിത്രത്തിലെ ഏറ്റവും മികച്ച നേട്ടം. അതെ സമയം അതേസമയം അര്ജന്റീന റാങ്കിങ്ങില് ഒന്നാം സ്ഥാനത്ത് തുടരുകയാണ്. ഫ്രാന്സ്, ബ്രസീല്, ഇംഗ്ലണ്ട്, ബെല്ജിയം, ക്രൊയേഷ്യ, നെതര്ലന്ഡ്സ്, ഇറ്റലി, പോര്ച്ചുഗല്, സ്പെയ്ന് എന്നിവരാണ് ആദ്യ 10 സ്ഥാനങ്ങളില്.
99-ാം റാങ്ക് ഉറപ്പിച്ചതോടെ ലോകകപ്പ് യോഗ്യത മത്സരങ്ങളുടെ നറുക്കില് ഇന്ത്യ പോട്ട് 2 ഉറപ്പിച്ചു. നാല് പോട്ടുകളായി ടീമുകളെ തിരിച്ചതിന് ശേഷമാണ് യോഗ്യത റൗണ്ടുകളുടെ ഗ്രൂപ്പുകള് നറുക്കെടുക്കുന്നത്. ഇതില് കരുത്തരുള്ള പോട്ട് 2-ല് ഇന്ത്യ ഉള്പ്പെടുമെന്നാണ് കരുതുന്നത്.
