റിയാദ്: പതിനെട്ട് വർഷത്തിലേറെ നീണ്ട സൗദി ജയിൽവാസത്തിന് ശേഷം കോഴിക്കോട് കോടമ്പുഴ സ്വദേശി അബ്ദുൽ റഹീം ഒടുവിൽ മോചിതനായി. റഹീമിന്റെ മോചന ഉത്തരവിൽ റിയാദ് കോടതി ഒപ്പുവെച്ചു. ഇതോടെ നാട്ടിലേക്കുള്ള മടക്കയാത്രയ്ക്കായുള്ള ഇമിഗ്രേഷൻ നടപടികൾ അതിവേഗം പൂർത്തിയായി വരികയാണെന്നാണ് റിയാദിൽ നിന്നുള്ള ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. നിയമനടപടികൾ എത്രയും വേഗം പൂർത്തിയാക്കി അബ്ദുൽ റഹീമിനെ ഇന്ന് തന്നെ നാട്ടിലെത്തിക്കാനാണ് റിയാദിലെ നിയമസഹായ സമിതിയും സുഹൃത്തുക്കളും ഊർജിതമായി ശ്രമിക്കുന്നത്.
ഒരു ജനതയുടെ കാരുണ്യം; 34 കോടിയുടെ ചരിത്ര മോചനം
2006 നവംബറിലാണ് സൗദി ബാലന്റെ മരണവുമായി ബന്ധപ്പെട്ട കേസിൽ അബ്ദുൽ റഹീമിനെ റിയാദ് പൊലീസ് അറസ്റ്റ് ചെയ്യുന്നത്. സ്പോൺസറുടെ ഭിന്നശേഷിക്കാരനായ മകനെ പരിചരിക്കുന്നതിനിടെ, കഴുത്തിൽ ഘടിപ്പിച്ചിരുന്ന ജീവൻരക്ഷാ ഉപകരണം അബദ്ധത്തിൽ കൈ തട്ടി മാറുകയും കുട്ടി മരണപ്പെടുകയുമായിരുന്നു. മനഃപൂർവമല്ലാത്ത കൈപ്പിഴയായിരുന്നു അപകടകാരണമെന്ന് വ്യക്തമായിരുന്നെങ്കിലും വിചാരണക്കൊടുവിൽ റിയാദിലെ കോടതി റഹീമിന് വധശിക്ഷ വിധിക്കുകയായിരുന്നു.
എന്നാൽ ലോകമെമ്പാടുമുള്ള മലയാളികൾ ഒത്തൊരുമിച്ച് കൈകോർത്ത് ചരിത്രത്തിലെ ഏറ്റവും വലിയ ദിയാധന തുകയായ 34 കോടി രൂപ സമാഹരിച്ചതോടെയാണ് റഹീമിന്റെ വധശിക്ഷ കോടതി റദ്ദാക്കിയത്. ഇതിനുപിന്നാലെ റിയാദിലെ ക്രിമിനൽ കോടതി റഹീമിന് സൗദി പൊതുനിയമപ്രകാരം തടവുശിക്ഷ വിധിച്ചിരുന്നു. ഈ തടവ് കാലാവധിയും ഇപ്പോൾ പൂർത്തിയായതോടെയാണ് കോഴിക്കോട്ടെ റഹീമിന്റെ കുടുംബത്തിന്റെയും ലോകമലയാളികളുടെയും പ്രാർത്ഥനകൾ ഫലം കണ്ട് റഹീം പൂർണ്ണമായി മോചിതനാകുന്നത്.
ബംഗ്ലാദേശിലെ കലുഷിതമായ രാഷ്ട്രീയ അന്തരീക്ഷം രാജ്യത്തിന്റെ അതിരുകൾക്കും അപ്പുറത്തേക്ക് പടരുന്നതിന്റെ ഞെട്ടിക്കുന്ന കാഴ്ചകളാണ് ലണ്ടനിൽ നിന്ന് പുറത്തുവരുന്നത്. നാഷണൽ സിറ്റിസൺ…
ഐപിഎല്ലിലെ ചെന്നൈ സൂപ്പർ കിങ്സിന്റെ ചരിത്രത്തിൽ നിർണായക അധ്യായങ്ങൾ എഴുതിച്ചേർത്ത എം.എസ്. ധോണി ഇനി പുതിയ റോളിലേക്ക്. താരമെന്ന നിലയിൽ…
തിരുവനന്തപുരം : ശബരിമല മണ്ഡല മകരവിളക്ക് തീർത്ഥാടനത്തോടനുബന്ധിച്ച് നിലയ്ക്കൽ–പമ്പ റൂട്ടിൽ കെ.എസ്.ആർ.ടി.സി. ഈടാക്കുന്ന അധിക യാത്രാനിരക്ക് കുറയ്ക്കണമെന്ന് ബിജെപി സംസ്ഥാന…
ബെംഗളൂരുവിലെ കൊരമംഗലയിൽ മദ്യലഹരിയിലുണ്ടായ വാക്കുതർക്കത്തെത്തുടർന്ന് സുഹൃത്തിനെ ക്രൂരമായി മർദ്ദിച്ച് കൊലപ്പെടുത്തിയ സംഭവത്തിൽ 27കാരൻ അറസ്റ്റിൽ. ചന്നപട്ടണ സ്വദേശിയായ 35കാരൻ ശിവകുമാറാണ്…
മുൻ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ ഭാര്യ വിനോദിനിയുടെ സഹോദരൻ എസ്.ആർ. വിനയകുമാർ പാർട്ടി അംഗത്വം പുതുക്കേണ്ടെന്ന് തീരുമാനിച്ചു.…
2008ൽ തിരുവനന്തപുരം മണ്ണന്തലയിൽ ആർഎസ്എസ് പ്രവർത്തകനായ രഞ്ജിത്തിനെ വെട്ടിക്കൊലപ്പെടുത്തിയ കേസിൽ വിചാരണ നേരിട്ട 11 പ്രതികളും കുറ്റക്കാരാണെന്ന് തിരുവനന്തപുരം അഡീഷണൽ…