തിരുവനന്തപുരം: നഗരത്തിൽ റോഡ് അപകടങ്ങൾ തടയാനും , ട്രാഫിക് നിയമലംഘനം നടത്തുന്നവർക്കെതിരെ നിയമ നടപടികൾ സ്വീകരിക്കാനും പൊതുജന പങ്കാളിത്തത്തോടെ പുതിയ പദ്ധതിയുമായി തിരുവനന്തപുരം സിറ്റി പോലീസ്. ട്രിവാൻഡ്രം ട്രാഫിക് ഐ എന്നാണ് പദ്ധതിയുടെ പേര്. പദ്ധതിയിൽ പൊതുജനങ്ങൾക്ക് ട്രാഫിക് സംബന്ധമായ നിയമ ലംഘനങ്ങൾ, പരാതികൾ, നിർദേശങ്ങൾ എന്നിവ സിറ്റി പോലീസിനെ അറിയിക്കാം.
ട്രാഫിക് നിയമ ലംഘനങ്ങൾ, അപകട സ്ഥലത്ത് നിന്നുള്ള ദൃശ്യങ്ങൾ, മറ്റ് ട്രാഫിക് സംബന്ധമായ പരാതികൾ പൊതുജനങ്ങൾക്ക് പോലീസിനെ അറിയിക്കാവുന്നതാണ്. സംഭവത്തിന്റെ ഫോട്ടോ, വീഡിയോ അല്ലെങ്കിൽ ടെക്സ്റ്റ് മെസേജുകളായോ അറിയിക്കാമെന്ന് തിരുവനന്തപുരം സിറ്റി പോലീസ് കമ്മീഷണർ നാഗരാജു ഐ പി എസ് അറിയിച്ചു. രഹസ്യവിവരങ്ങൾ അറിയിക്കുന്നവരെക്കുറിച്ചുള്ള വിവരങ്ങൾ രഹസ്യമായി സൂക്ഷിക്കുമെന്നും അദ്ദേഹംഅറിയിച്ചു. ടിവാൻഡ്രം ട്രാഫിക് ഐ എന്ന സംവിധാനത്തിൽ 24 മണിക്കൂറം സന്ദേശങ്ങൾ കൈമാറാൻ കഴിയും
