ദില്ലി: രാഷ്ട്രീയ സ്വയംസേവക് സംഘത്തിന്റെ വാർഷികാഘോഷ പരിപാടിയിൽ മുഖ്യാതിഥിയായി പർവ്വതാരോഹക സന്തോഷ് യാദവ്. ഹരിയാന സ്വദേശിയായ സന്തോഷ് യാദവ് രണ്ട് തവണ എവറസ്റ്റ് കീഴടക്കിയ ലോകത്തിലെ ആദ്യത്തെ വനിതയാണ്. കാങ്ഷുങ് മുഖത്ത് നിന്ന് എവറസ്റ്റ് കൊടുമുടി വിജയകരമായി കീഴടക്കിയ ആദ്യ വനിതകൂടിയാണവർ. 1992 മെയിലും 1993 മെയിലുമാണ് സന്തോഷ് യാദവ് എവറസ്റ്റ് കീഴടക്കിയത്. കേവലം 20 വയസിൽ ആദ്യമായി എവറസ്റ്റിൽ കയറുമ്പോൾ അന്ന് എവറസ്റ്റ് കീഴടക്കുന്ന ഏറ്റവും പ്രായം കുറഞ്ഞ വനിതയും അവർ ആയിരുന്നു.
നാഗ്പൂരിലെ ആർഎസ്എസ് ആസ്ഥാനത്ത് നടന്ന വിജയദശമി ആഘോഷത്തിനാണ് സന്തോഷ് യാദവ് അതിഥിയായി എത്തിയത്. ചരിത്രത്തിൽ ആദ്യമായാണ് ആർഎസ്എസ് പരിപാടിയിൽ ഒരു വനിത മുഖ്യാതിഥിയാകുന്നത്.
അധ്യക്ഷ പ്രസംഗത്തിൽ പർവ്വതാരോഹക സന്തോഷ് യാദവ് പറഞ്ഞു, “ഞാൻ സനാതന സംസ്കൃതിയെ കുറിച്ചു പറയുമ്പോൾ, ഭാരതീയ മൂല്യങ്ങളെ കുറിച്ചു പറയുമ്പോൾ, ഭാരത മാതാവിനെ കുറിച്ചു പറയുമ്പോൾ, വിശ്വശാന്തിയെ കുറിച്ചു പറയുമ്പോൾ എന്നോട് ചിലർ ചോദിക്കാറുണ്ടായിരുന്നു, ” നിങ്ങൾ ഒരു സംഘി ആണോ? ” എന്ന്. ആദ്യമാദ്യം എനിക്ക് ആ ചോദ്യം മനസിലാക്കാൻ സാധിച്ചിരുന്നില്ല. പിന്നീടാണ് എനിക്ക് സംഘത്തെ കുറിച്ചു അറിയാനും മനസ്സിലാക്കാനും സാധിച്ചത്. അങ്ങനെയാണ് സംഘവും സനാതന സംസ്കൃതിയും ഭാരതീയ മൂല്യങ്ങളും ഉയർത്തി പിടിക്കാൻ ശ്രമിക്കുന്ന, ഭാരതീയ ദർശനങ്ങളെ ലോകത്തിന് മുന്നിൽ അഭിമാനത്തോടെ ഉയർത്തി പിടിക്കുന്ന സംഘടന ആണെന്ന് മനസിലാക്കാൻ സാധിച്ചത്.”
നാഗ്പൂരിലെ രേഷംബാഗ് മൈതാനിയിലാണ് പരിപാടി സംഘടിപ്പിച്ചത്. ആർഎസ്എസ് സർസംഘചാലക് മോഹൻ ഭാഗവത്, കേന്ദ്ര മന്ത്രി നിതിൻ ഗഡ്കരി, മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് എന്നിവരും പരിപാടിയിൽ പങ്കെടുത്തു. വാർഷികാഘോഷ പരിപാടിയുടെ ഭാഗമായി പഥസഞ്ചലനവും നടന്നു.
ആർഎസ്എസ് സർസംഘചാലക് മോഹൻ ഭാഗവത് വിജയദശമി ദിനത്തിൽ ആശംസയേകി സംസാരിച്ചു. വിദ്യാഭ്യാസ പദ്ധതിയിൽ മാതൃഭാഷയുടെ പ്രാധാന്യം അദ്ദേഹം എടുത്തു പറഞ്ഞിരുന്നു. ”സമൂഹത്തെ വിഘടിപ്പിക്കാൻ നടക്കുന്ന ശ്രമങ്ങളെ പരാജയപ്പെടുത്തി ഒറ്റക്കെട്ടായി മുന്നോട്ടു പോകണം. രാജ്യവിരുദ്ധ ശക്തികളുടെ ലക്ഷ്യം ഹിന്ദുത്വം ആണ്. ജാതിവിചാരങ്ങൾക്ക് യാതോരു ധാർമിക അടിത്തറയുമില്ല. അടിസ്ഥാനമൂല്യങ്ങൾ മാറ്റിനിർത്തിയാൽ ബാക്കി എല്ലാ വൈവിധ്യങ്ങളും അംഗീകരിക്കുന്നതാണ് ധർമം. കുട്ടികൾക്ക് സാംസ്കാരിക ശിക്ഷണവും രാഷ്ട്രഭക്തിയും വിദ്യാലയങ്ങളിൽ നിന്ന് മാത്രം ലഭിക്കില്ല. എന്നും അദ്ദേഹം കൂട്ടിച്ചേർത്തു.
വാഷിംഗ്ടൺ : ബാൾട്ടിമോറിലെ ഫ്രാൻസിസ് സ്കോട്ട് കീ ബ്രിഡ്ജിൽ ഇടിച്ച് കയറിയ ദാലി കണ്ടെയ്നർ ഷിപ്പിനെ നാളെയോടെ ചലിപ്പിക്കാനാകുമെന്ന് അധികൃതർ.…
ആ വലിയ രഹസ്യം ചോർത്തുക ലക്ഷ്യം! ദലൈലാമയുടെ പിന്നാലേ ചൈനീസ് ചാരന്മാർ ?
പന്തീരങ്കാവ് ഗാർഹിക പീഡന കേസിലെ പ്രതി രാഹുലിന്റെ കാർ അന്വേഷണ സംഘം കസ്റ്റഡിയിൽ എടുത്തു. പരിശോധനയിൽ കാറിന്റെ സീറ്റിൽ രക്തക്കറ…
എൻജിനിൽ തീ കണ്ടെത്തിയതിനെ തുടര്ന്ന് അടിയന്തിരമായി തിരിച്ചിറക്കിയ ബെംഗളൂരു-കൊച്ചി എയർ ഇന്ത്യ എക്സ്പ്രസ് വിമാനത്തിലെ യാത്രക്കാർക്ക് കൊച്ചിയിലേക്ക് തിരിക്കാന് ഒരുക്കിയ…
ഗുണ്ടകൾക്കെതിരേ മൂന്നുദിവസമായി സംസ്ഥാന വ്യാപകമായി നടക്കുന്ന പരിശോധനയിൽ അറസ്റ്റിലായത് 5,000 പേർ. ഗുണ്ടകൾക്കെതിരായ ഓപ്പറേഷൻ ആഗ്, ലഹരിമാഫിയകൾക്കെതിരേയുള്ള പരിശോധനയായ ഡി-ഹണ്ട്…
അന്തരിച്ച ബിലീവേഴ്സ് ഈസ്റ്റേൺ ചർച്ച് മെത്രാപ്പൊലീത്ത കെ പി യോഹന്നാന്റെ മൃതദേഹം കൊച്ചിയിൽ എത്തിച്ചു. പുലർച്ചെ മൂന്നരയോടെ നെടുമ്പാശ്ശേരി വിമാനത്താവളത്തിൽ…