Thursday, November 19, 2026

മൂന്ന് വൻശക്തികൾ ഒരേ വേദി! ലോകക്രമം മാറുമോ?

അമേരിക്കൻ പ്രസിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിങ്ങും തമ്മിലുള്ള ഉഭയകക്ഷി കൂടിക്കാഴ്ചയ്ക്ക് ആഗോളതലത്തിൽ വലിയ പ്രാധാന്യം. റഷ്യൻ പ്രസിഡന്റ് വ്ലാഡിമിർ പുടിനുമായുള്ള കൂടിക്കാഴ്ചയ്ക്ക് പിന്നാലെയാണ് ട്രംപ് ഷിയുമായി ചർച്ച നടത്തുന്നത്. പുടിനുമായുള്ള കൂടിക്കാഴ്ചയ്ക്കുശേഷം ട്രംപ് പ്രതികരിച്ചത്, ഈ ചർച്ചകളിലൂടെ വലിയ നേട്ടങ്ങളുണ്ടാകുമെന്ന പ്രതീക്ഷയോടെയായിരുന്നു. അതേസമയം, മൂന്ന് ലോകശക്തികളുടെ നേതാക്കൾ പങ്കെടുക്കുന്ന ത്രികക്ഷി കൂടിക്കാഴ്ചയും ശ്രദ്ധാകേന്ദ്രമാകുകയാണ്.

ആണവായുധ നിയന്ത്രണം, യുക്രെയ്ൻ യുദ്ധം, ഇറാനുമായി ബന്ധപ്പെട്ട സംഘർഷം തുടങ്ങിയ വിഷയങ്ങൾ ത്രികക്ഷി ചർച്ചയിൽ ഇടംപിടിച്ചേക്കും. എന്നാൽ നിർണായകമായ തീരുമാനങ്ങളിലേക്ക് ചർച്ചകൾ എത്തുമോ എന്ന കാര്യത്തിൽ നിരീക്ഷകർക്ക് വലിയ പ്രതീക്ഷയില്ല. അമേരിക്കയും ചൈനയും തമ്മിലുള്ള വ്യാപാരബന്ധങ്ങൾ, ആർട്ടിഫിഷ്യൽ ഇന്റലിജൻസ്, അത്യാധുനിക കമ്പ്യൂട്ടർ ചിപ്പുകളിലേക്കുള്ള ചൈനയുടെ പ്രവേശനം തുടങ്ങിയ വിഷയങ്ങളും ട്രംപ്–ഷി കൂടിക്കാഴ്ചയിൽ പ്രധാനമാകും.

ചർച്ചകൾക്കിടെ ചൈനയിലെ ഷെൻഷെൻ നഗരത്തിന്റെ വളർച്ചയെ അമേരിക്ക–ചൈന ബന്ധങ്ങളുടെ ഭാവിയുമായി താരതമ്യം ചെയ്താണ് ഷി ജിൻപിങ് സംസാരിച്ചത്. വെറും നാല് പതിറ്റാണ്ടിനിടെ ഒരു ചെറിയ മത്സ്യബന്ധന ഗ്രാമം ആഗോള നഗരമായി മാറിയെന്ന് അദ്ദേഹം ചൂണ്ടിക്കാട്ടി. അതുപോലെ, ചൈനയും അമേരിക്കയും തമ്മിൽ ക്രിയാത്മകമായ ബന്ധം കെട്ടിപ്പടുക്കുന്നതും മുൻപില്ലാത്ത വെല്ലുവിളിയും പുതിയ ദൗത്യവുമാണെന്ന് ഷി വ്യക്തമാക്കി. എൻവിഡിയയുമായി ബന്ധപ്പെട്ട ചാരവൃത്തി വിവാദം നിലനിൽക്കുന്ന പശ്ചാത്തലത്തിൽ സാങ്കേതികവിദ്യാ രംഗത്തെ സഹകരണവും നിയന്ത്രണങ്ങളും ചർച്ചയിൽ നിർണായകമാകുമെന്നാണ് വിലയിരുത്തൽ.

Related Articles

Latest Articles