തൃശ്ശൂരിൽ കാൽനട യാത്രികനെ ആദ്യം ഇടിച്ചത് കെ സ്വിഫ്റ്റ് ബസ്സല്ല : സിസിടിവി ദൃശ്യങ്ങൾ

കുന്നംകുളം: കാൽനടയാത്രക്കാരൻ കുന്നംകുളത്ത് കെ സ്വിഫ്റ്റിടിച്ച് മരിച്ച കേസിൽ വമ്പൻ ട്വിസ്റ്റ്. കാൽനടയാത്രികനായ തമിഴ്നാട് സ്വദേശിയെ ഇടിച്ചിട്ടത് കെ സ്വിഫ്റ്റ് ബസ്സല്ല, ആ വഴി പോയ പിക്കപ്പ് വാനാണെന്നാണ് ദൃശ്യങ്ങളിൽ നിന്നും വ്യക്തമാകുന്നത്. സ്വിഫ്റ്റ് ബസ് ഇടിച്ചത് പിക്കപ്പ് വാൻ ഇടിച്ചതിന് ശേഷമായിരുന്നു.

ബസ്സിന്‍റെ പിന്നിലെ ടയറായിരുന്നു കയറിയത്. സ്വിഫ്റ്റ് ബസ്സാണ് അപകടമുണ്ടാക്കിയത് എന്ന തരത്തിലാണ് ആദ്യം റിപ്പോർട്ടുകൾ പുറത്തുവന്നത്. ഇന്ന് പുലർച്ചെ നടന്ന അപകടത്തിൽ കൊല്ലപ്പെട്ടത് തമിഴ്നാട് സ്വദേശിയായ പരസ്വാമിയാണ്. ഇന്ന് രാവിലെ അഞ്ചരയോടെ തൃശ്ശൂര്‍ കുന്നംകുളത്താണ് അപകടം നടന്നത്. പരസ്വാമിയെ ഇടിച്ചത് തൃശ്ശൂരില്‍ നിന്നും കോഴിക്കോട്ടേക്ക് പോകുന്ന ബസാണ്. അപകടമുണ്ടായത് ചായ കുടിക്കാനായി റോഡ് മുറിച്ചുകടക്കുന്നതിനിടെയാണ് .

പരസ്വാമിയെ വേഗതയിൽ എത്തിയ ബസ്സ് ഇടിക്കുകയായിരുന്നുവെന്ന തരത്തിലാണ് ആദ്യം റിപ്പോർട്ടുകൾ വന്നത്. അപകടമുണ്ടാക്കിയ ബസ്സ് നിർത്താതെ പോയെന്നും റിപ്പോർട്ടുകൾ വന്നു. എന്നാൽ ആദ്യം പിക്കപ്പ് വാനായിരുന്നു യാത്രികനെ ഇടിച്ചത്. പിന്നീടാണ് കെ സ്വിഫ്റ്റ് നിലത്ത് വീണ പരസ്വാമിക്ക് മുകളിലൂടെ ബസ് കയറി ഇറങ്ങുകയായിരുന്നു. ബസ്സ് പരസ്വാമിയുടെ കാലിലൂടെ കയറിയിറങ്ങിയെന്നാണ് ദൃശ്യങ്ങളിൽ വ്യക്തമാകുന്നത്.