ലോക്‌സഭയില്‍ തന്റെ പ്രസംഗം തടസ്സപ്പെടുത്താന്‍ ശ്രമിച്ച തൃണമൂല്‍ കോണ്‍ഗ്രസ് എംപിക്ക് വായടപ്പിക്കുന്ന മറുപടിയുമായി കേന്ദ്ര ആഭ്യന്തര മന്ത്രി അമിത് ഷാ;സൗഗത റോയിക്ക് നൽകിയ മറുപടികേട്ട് കയ്യടിച്ച് മറ്റ് അംഗങ്ങൾ

ദില്ലി :ലോക്‌സഭയില്‍ തന്റെ പ്രസംഗം തടസ്സപ്പെടുത്താന്‍ ശ്രമിച്ച തൃണമൂല്‍ കോണ്‍ഗ്രസ് എംപിക്ക് വായടപ്പിക്കുന്ന മറുപടിയുമായി കേന്ദ്ര ആഭ്യന്തര മന്ത്രി അമിത് ഷാ. രാജ്യത്തെ മയക്കുമരുന്ന് ഉപയോഗം എന്ന വിഷയത്തിലായിരുന്നു പ്രസംഗം. ഇതിനിടെ കയറി സംസാരിച്ച മുതിര്‍ന്ന ടിഎംസി എംപി സൗഗത റോയിക്ക് അമിത് ഷാ നല്‍കിയ മറുപടിക്ക് മറ്റ് അംഗങ്ങളുടെ കയ്യടിയും ലഭിച്ചു.

”ദാദാ, താങ്കള്‍ക്ക് പ്രസംഗിക്കണമെങ്കില്‍ ഞാന്‍ ഇരിക്കാം. നിങ്ങള്‍ക്ക് സംസാരിക്കാം. ഇത്രയും സീനിയര്‍ എംപി ആയതിനാല്‍ ഇത്തരത്തില്‍ തടസ്സപ്പെടുത്തുന്നത് താങ്കളുടെ സ്ഥാനത്തിനും സീനിയോറിറ്റിക്കും യോജിച്ചതല്ല, ”അമിത് ഷാ പറഞ്ഞു. പിന്നാലെ സ്പീക്കര്‍ ഓം ബിര്‍ള ആഭ്യന്തര മന്ത്രിയോട് പ്രസംഗം തുടരാന്‍ ആവശ്യപ്പെട്ടു. ഇത്തരം കാര്യങ്ങള്‍ സംഭവിക്കാന്‍ പാടില്ലെന്നും കാര്യത്തിന്റെ ഗൗരവം മനസ്സിലാക്കണമെന്നും അദ്ദേഹം പറഞ്ഞു.

മയക്കുമരുന്നിനെതിരായ പോരാട്ടത്തിന് രാജ്യം സജ്ജമാണെന്ന് ആഭ്യന്തരമന്ത്രി സഭയെ അറിയിച്ചു. രാഷ്ട്രീയം മാറ്റിവെച്ച് കേന്ദ്ര സര്‍ക്കാരുമായി ചേര്‍ന്ന് ഈ വിപത്തിനെ നേരിടാന്‍ സംസ്ഥാനങ്ങളോട് അദ്ദേഹം അഭ്യര്‍ത്ഥിച്ചു. മയക്കുമരുന്നിന് അടിമകളായവരെ ഇരകളായി കണക്കാക്കുകയും അവരുടെ പുനരധിവാസം ഉറപ്പാക്കുകയും വേണമെന്നും അദ്ദേഹം ആവശ്യപ്പെട്ടു.