തിരുവനന്തപുരത്ത് യുവതി പേവിഷബാധയേറ്റു മരിച്ചു. അഞ്ചുതെങ്ങ് സ്വദേശിയായ സ്റ്റെഫിന വി പെരേരയാണ് മരിച്ചത്. തെരുവു നായകൾക്ക് ഭക്ഷണം കൊടുക്കന്നതിനിടെ നായയുടെ നഖം കൊണ്ട് സ്റ്റെഫിനയ്ക്ക് മുറിവേറ്ററ്റിരുന്നു.
തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന യുവതി ഞാറാഴ്ചയാണ് മരിച്ചത്. എന്നാൽ ഇന്നലെ രാത്രിയോടെയാണ് മരണ കാരണം വ്യക്തമായത്. ഏഴാം തീയതിയാണ് സഹോദരനൊപ്പം കൂട്ടിരിപ്പുകാരിയായി സ്റ്റെഫിന തിരുവനന്തപുരം മെഡിക്കൽ കോളജിൽ എത്തിയത്. ഒൻപതാം തീയതിയോടെ യുവതി പേവിഷ ബാധയുടെ ലക്ഷണങ്ങൾ കാണിച്ചു തുടങ്ങി. തുടർന്ന് യുവതിയെ ചികിത്സയിൽ പ്രവേശിപ്പിച്ചു.
തെരുവു നായകൾക്ക് ഭക്ഷണം കൊടുക്കുന്നതിനിടെ നായ ശരീരത്തിൽ മാന്തിയിരുന്നുവെന്ന് സ്റ്റെഫിന ഡോക്ടർമാരോട് പറഞ്ഞു. അതേസമയം, നായയിൽ നിന്നു പരുക്കേറ്റപ്പോൾ യുവതി ചികിത്സ തേടിയോ എന്ന കാര്യത്തിൽ ഇതുവരെയും വ്യക്തതയില്ല.
