അബിഗേലിനെ എപ്പോൾ കണ്ടെത്തും?കൊല്ലത്തും തലസ്ഥാനത്തുമായുള്ള 150 എ.ഐ ക്യാമറകൾ കണ്ണടച്ചോ..സിറ്റ് ബെൽറ്റും ഹെൽമറ്റും മാത്രം കണ്ടെത്തിയാൽ മതിയോ.കൊള്ളക്കാരെ കണ്ടാൽ കണ്ണടയ്ക്കും

തിരുവനന്തപുരം- സീറ്റ് ബെൽറ്റ് ഇട്ടിട്ടുണ്ടോയെന്ന് കാറിനകത്തേക്ക് ചുഴിഞ്ഞ് നോക്കുന്ന എ.ഐ ക്യാമറകൾക്ക് പട്ടാപകൽ കാറിൽ നാല് പേർ ഒരു പഞ്ചു കുഞ്ഞിനെ തട്ടികൊണ്ട് പോകുന്നത് കാണ്ടുപടിക്കാനാകാത്തതെന്തുകൊണ്ട്?. സർക്കാരിൻ്റെ ആർട്ടിഫിഷ്യൽ ഇൻറ്റലിജൻസ് ക്യാമറകൾക്ക് സീറ്റ് ബെൽറ്റും ഹെൽമറ്റും അമിതവേഗവും മാത്രമെ കാണാനാകു.

       82 എ.ഐ ക്യാമറകളാണ് തലസ്ഥാന ജില്ലയിലുടനീളം കൊട്ടിഘോഷിച്ച് ഈ വർഷം സ്ഥാപിച്ചത്. 48 ക്യാമറകൾ കൊല്ലം ജില്ലയിലുമുണ്ട്. കൊല്ലത്തു നിന്ന് ആറ് വയസുകാരി അബിഗേൽ സാറയെ കാണാതായിട്ട് ഒരു രാത്രി കഴിഞ്ഞു പകലായി. ഒരു വിവരവും പൊലീസിന് ഇതേവരെ കിട്ടിയിട്ടില്ല. സംശയമുള്ളവരെ കസ്റ്റഡിയിലെടുത്തു, പങ്കില്ലെന്ന് കണ്ട് വെറുതേ വിട്ടു. ദക്ഷിണമേഖല ഐ.ജി സ്പർജ്ജൻ കുമാർ തന്നെ വ്യക്തമാക്കി, അന്വേഷണം നടന്നു കൊണ്ടിരിക്കുകയാണെന്ന് ഇതേവരെ ഒരു വിവരവും ലഭിച്ചില്ലെന്ന്. 

   ചെറിയ ഗതാഗത നിയമലംഘനങ്ങൾക്ക് പോലും പിഴയീടാക്കാനും വാഹനങ്ങൾ പിടിച്ചെടുക്കുന്ന മോട്ടോർ വാഹനവകുപ്പും ഇപ്പോൾ ഇരുട്ടിൽ തപ്പുകയാണ്. ഗതാഗത നിയമ ലംഘനങ്ങൾക്ക് ഇടൻതന്നെ വാഹന ഉടമകൾക്ക് വാഹനത്തിൻ്റെ ഫോട്ടോ അടക്കം മൊബൈലിലും വീട്ടിലും പിഴത്തുക അയച്ചു നൽകുന്ന ഗതാഗത സംവിധാനമാണെന്ന് സംസ്ഥാനത്തിൻ്റേത് എന്ന് ഓർക്കണം. കുഞ്ഞിനെ തട്ടികൊണ്ടുപോയ  പ്രതികൾ ഭക്ഷണം വാങ്ങിയതായും ഓട്ടോയിൽ കയറുന്നതുമായ ദൃശ്യങ്ങൾ പൊലീസിന് ലഭിച്ചിട്ടുണ്ട്. എല്ലാം ശരിയാകുമെന്ന് പറയുന്ന സർക്കാരിനോട് ഒരു ചോദ്യം.. അബിഗേൽ സാറയെ  കാത്തിരിക്കുന്ന കേരളത്തിന് എപ്പോൾ കുഞ്ഞിനെ കണ്ടെത്തി തരും.