ഹൈദരാബാദ്: സിനിമാതാരം അല്ലു അർജുനെ ഹൈദരാബാദ് പോലീസ് ഇന്ന് ചോദ്യം ചെയ്യും. രാവിലെ 11 മണിക്ക് ഹാജരാകാൻ ആവശ്യപ്പെട്ട് താരത്തിന് നോട്ടീസ് നൽകി. പുതിയ സിനിമയായ പുഷ്പ 2വിന്റെ പ്രീമിയർ ഷോക്കിടെ ഉണ്ടായ തിക്കിലും തിരക്കിലും പെട്ട് യുവതി മരിച്ച സംഭവത്തിലാണ് ചോദ്യം ചെയ്യൽ. ഹൈദരാബാദിലെ ചിക്കിടപ്പിള്ളി പോലീസാണ് താരത്തിന് നോട്ടീസ് നൽകിയിരിക്കുന്നത്. കേസിൽ നേരത്തെ അറസ്റ്റിലായ അല്ലു അർജുൻ നിലവിൽ നാലാഴ്ചത്തേക്ക് ജാമ്യത്തിലാണ്. ഹൈക്കോടതി അനുവദിച്ച ജാമ്യം റദ്ദാക്കാൻ പോലീസ് നീക്കം നടത്തുന്നുണ്ടെന്ന വിവരങ്ങൾക്കിടെയാണ് ചോദ്യം ചെയ്യാനുള്ള പോലീസ് നീക്കം.
ദുരന്തത്തെതുടര്ന്ന് തിയേറ്റര് മാനേജ്മെന്റിനും അല്ലു അര്ജുനും സംഘത്തിനുമെതിരെ നരഹത്യയ്ക്ക് കേസെടുത്തിരുന്നു. ഡിസംബര് 13 ന് താരം അറസ്റ്റിലാകുകയും കോടതി 14 ദിവസം റിമാന്ഡ് ചെയ്യുകയും ചെയ്തിരുന്നു. എന്നാല് അതേ ദിവസം തെലങ്കാന ഹൈക്കോടതി നാലാഴ്ചത്തേക്ക് ഇടക്കാല ജാമ്യം അനുവദിക്കുകയായിരുന്നു. ഒരു രാത്രിയിലെ ജയില്വാസത്തിനു പിന്നാലെ അല്ലു മോചിതനായിരുന്നു.
