ദില്ലി: കോവിഡിനെ പ്രതിരോധിക്കാന്‍ നാല് മരുന്നുകള്‍ വികസിപ്പിച്ചുവെന്ന് കേന്ദ്ര ആയുഷ് മന്ത്രി ശ്രീപദ് നായിക്. ഒരാഴ്ചയ്ക്കുള്ളില്‍ പരീക്ഷണം നടത്തുമെന്നും അദ്ദേഹം വ്യക്തമാക്കി.
യോഗ, യുനാനി, സിദ്ധ, ഹോമിയോപതി എന്നീ അഞ്ച് മേഖലകള്‍ സംയോജിപ്പിച്ചുള്ള വകുപ്പാണ് ആയുഷ്. ദ് കൗണ്‍സില്‍ ഓഫ് സയന്റിഫിക് ആന്‍ഡ് ഇന്‍ഡസ്ട്രിയല്‍ റിസര്‍ച്ച് (സിഎസ്ഐആര്‍)ന്റെ സഹകരണത്തോടെയാണ് മരുന്ന് പരീക്ഷണം നടത്തുക.
പരീക്ഷണം ഫലപ്രദമാകുമെന്നും നമ്മുടെ പരമ്പരാഗത സമ്പ്രദായം ഉപയോഗിച്ച് കോവിഡിനെ പ്രതിരോധിക്കുമെന്നും ആയുഷ് മന്ത്രി പ്രത്യാശിച്ചു.
