Monday, June 24, 2024
spot_img

പിണറായി വിജയനും കോടിയേരിക്കുമെതിരെ മുല്ലപ്പള്ളി; ഇരുവര്‍ക്കും സംഘപരിവാര്‍ മനസ്സെന്ന് വിമര്‍ശനം

 മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും സംഘപരിവാര്‍ മനസ്സെന്ന് കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍. ഏറ്റവും വലിയ ഒറ്റക്കക്ഷിയായാലും കോണ്‍ഗ്രസിന് കേന്ദ്രത്തില്‍ സര്‍ക്കാര്‍ ഉണ്ടാക്കാന്‍ കഴിയില്ലെന്ന കോടിയേരി ബാലകൃഷ്ണന്‍റെ പ്രസ്താവന അതിന് തെളിവാണ്. ജനമഹായാത്രയോടെ അനുബന്ധിച്ച് കാസര്‍ഗോഡ് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.  

സിപിഎം അന്ധമായ കോണ്‍ഗ്രസ് വിരോധം വച്ചുപുലര്‍ത്തുന്നു. എന്‍ഡോസള്‍ഫാന്‍ ദുരിതബാധിതര്‍ക്ക് നഷ്ടപരിഹാര തുക നല്‍കണമെന്ന് സുപ്രീംകോടതി വിധിച്ചിട്ടും ഇതുവരെ അവര്‍ക്ക് ഈ തുക നല്‍കാന്‍ പിണറായി സര്‍ക്കാരിനായിട്ടില്ല. ശബരിമല വിഷയവുമായി ബന്ധപ്പെട്ട സുപ്രീംകോടതി വിധി നടപ്പിലാക്കാന്‍ സര്‍ക്കാര്‍ കാണിച്ച ശുഷ്‌കാന്തിയുടെ പിന്നിലെ ആത്മാര്‍ത്ഥ കേരള ജനത തിരിച്ചറിയുന്നുണ്ടെന്നും മുല്ലപ്പള്ളി പറഞ്ഞു. 

ബിജെപിയ്ക്ക് അനുകൂലമല്ലെങ്കില്‍ ബംഗാളില്‍ കേന്ദ്രസര്‍ക്കാരിന്‍റെ ഇടപെടലിനെ അപലപിക്കാന്‍ സിപിഎം എന്തുകൊണ്ട് തയ്യാറാകുന്നില്ലെന്നും അദ്ദേഹം ചോദിച്ചു. ബിജെപി ഈ തെരഞ്ഞെടുപ്പിലും സംസ്ഥാനത്ത് അക്കൗണ്ട് തുറക്കില്ല എന്നാണ് അദ്ദേഹത്തിന്‍റെ അഭിപ്രായം. കോണ്‍ഗ്രസ് ഏറ്റവും അനുയോജ്യരായ നേതാക്കളെയായിരിക്കും മത്സരരംഗത്തിറക്കുകയെന്നും മുല്ലപ്പള്ളി പറഞ്ഞു.

Tags:

Related Articles

Latest Articles