കൽപ്പറ്റ : കോവിഡ് 19 സ്ഥിരീകരിച്ചെന്ന് വാട്സാപ്പിലൂടെ വ്യാജപ്രചാരണം നടത്തിയ കല്പ്പറ്റ സ്വദേശി അറസ്റ്റിൽ. പൊഴുതന താന്നിക്കൽ സ്വദേശി ഫഹദ്(25) ആണ് അറസ്റ്റിലായത്. കല്പറ്റയിലെ സ്വകാര്യ ആശുപത്രിയില് നാലാംമൈല് സ്വദേശിക്കു കോവിഡ് സ്ഥിരീകരിച്ചെന്നായിരുന്നു പ്രചാരണം.
നൂറോളം അംഗങ്ങളുടെ വാട്സ്ആപ്പ് ഗ്രൂപ്പിൽ കൂടിയായിരുന്നു വ്യാജ പ്രചാരണം നടത്തിയത്. പരാതിയുടെ അടിസ്ഥാനത്തിൽ അറസ്റ്റ് ചെയ്യുകയായിരുന്നു. പ്രതിയെ പിന്നീട് ജാമ്യത്തില് വിട്ടയച്ചു. കേസിൽ കൂടുതൽ അറസ്റ്റുണ്ടാകുമെന്ന് ജില്ലാ പോലീസ് മേധാവി അറിയിച്ചു.