ഇന്ത്യയിൽ കോവിഡ് രോഗികളുടെ എണ്ണം ഒരു ലക്ഷത്തിനോടടുക്കുന്നു…

ദില്ലി : ഇന്ത്യയില്‍ കോവിഡ്​ ബാധിതരുടെ എണ്ണം 81,970 ആയി. 24 മണിക്കൂറിനിടെ 3967 പേര്‍ക്കാണ്​ ഇതുവരേം രോഗം സ്ഥിരീകരിച്ചത്​. നൂറുപേര്‍ മരണപ്പെടുകയും ചെയ്​തു. ഇതോടെ ആകെ മരണം 2649 ആയി. 51,401 പേരാണ്​ ചികിത്സയില്‍ കഴിയുന്നത്​. 27,920 പേര്‍ രോഗമുക്​തി നേടി.

രാജ്യത്ത് മഹാരാഷ്​ട്രയിലാണ്​ ഏറ്റവും കൂടുതല്‍ കോവിഡ്​ രോഗികള്‍ ഉള്ളത്.കോവിഡ്​ രോഗികളുടെ എണ്ണത്തില്‍ ഗുജറാത്തിനെ മറികടന്ന്​ തമിഴ്​നാട്​ രണ്ടാംസ്​ഥാനത്തെത്തി. മഹാരാഷ്ട്രയിൽ 24 മണിക്കൂറിനിടെ 1602 പേര്‍ക്ക്​ രോഗം സ്​ഥിരീകരിച്ചു. ആകെ കേസുകളുടെ എണ്ണം 27,524ആയി. 24 മണിക്കൂറിനിടെ 44 പേര്‍ കൂടി മരിച്ചു.തമിഴ്നാട്ടിൽ 9647 പേരാണ്​ ഇവിടെ രോഗബാധിതര്‍. ഗുജറാത്തില്‍ രോഗ ബാധിതരുടെ എണ്ണം 9591 ആണ്​.

ദില്ലിയില്‍ 8470പേര്‍ക്കാണ്​ കോവിഡ്​ സ്​ഥിരീകരിച്ചത്​. 24 മണിക്കൂറിനിടെ 14 സംസ്​ഥാനങ്ങളിലും കേന്ദ്രഭരണ പ്രദേശങ്ങളിലും കോവിഡ്​ കേസുകളില്ല എന്നത്​ ആശ്വാസം നല്‍കുന്നു.

ആന്‍ഡമാന്‍ നികോബര്‍ ദ്വീപുകള്‍, അരുണാചല്‍ പ്രദേശ്​, ആന്ധ്രപ്രദേശ്​, ചണ്ഡിഗഢ്​, ദാ​ദ്ര, നാഗര്‍ ഹാവേലി, ഗോവ, ചത്തീസ്​ഗഢ്​, ഗുജറാത്ത്​, ത്സാര്‍ഖണ്ഡ്​, മണിപ്പൂര്‍, മേഘാലയ, മിസോറം, പുതുച്ചേരി, തെലങ്കാന, ദാമന്‍ ആന്‍റ്​ ദിയു, സിക്കിം, നാഗലാന്‍ഡ്​, ലക്ഷദ്വീപ്​ എന്നിവിടങ്ങളിലാണ്​ കഴിഞ്ഞ ദിവസം പുതിയ കോവിഡ്​ കേസുകള്‍ റിപ്പോര്‍ട്ട്​ ചെയ്യാത്തത്​.