ദില്ലി: വന്ദേഭാരത് മിഷന്റെ ഭാഗമായ ഓപ്പറേഷന് സമുദ്രസേതുവിന് തുടക്കം കുറിച്ച് നാവികസേന കപ്പലായ ഐഎന്എസ് ജലാശ്വ കൊച്ചിയിലേക്ക് യാത്രതിരിച്ചു. 698 യാത്രക്കാരാണ് ഞായറാഴ്ച കൊച്ചിയിലെത്തുന്ന കപ്പലിലുള്ളത്.
ഇന്ത്യന് ഹൈക്കമ്മീഷണര് സഞ്ജയ് സുധീര് ഉള്പ്പടെയുള്ള ഉദ്യോഗസ്ഥര് കപ്പലിനെ യാത്രയാക്കി. 2015 ല് യെമനില് കുടുങ്ങിയവരെ രക്ഷപ്പെടുത്തിയ ശേഷമുള്ള നാവിക സേനയുടെ മറ്റൊരു ദൗത്യത്തിന് ഇതോടെ തുടക്കം കുറിച്ചിരിക്കുകയാണ്.
18 ഗര്ഭിണികളും 14 കുട്ടികളും ഉള്പ്പടെ 698 യാത്രക്കാരാണ് കപ്പലിലുള്ളത്. നാവിക സേനയുടെ ഡോക്ടര്മാരും മാലെദ്വീപ് മെഡിക്കല് സംഘവും പരിശോധിച്ച ശേഷമാണ് യാത്രക്കാരെ കയറ്റിയത്. 36 മണിക്കൂര് യാത്രയ്ക്കു ശേഷം കപ്പല് കൊച്ചിയിലെത്തും. മലയാളികള്ക്കൊപ്പം ഇതരസംസ്ഥാനങ്ങളിലുളളവരും കപ്പലിലുണ്ട്.
നാവികസേനയുടെ തന്നെ ഐഎന്എസ് മഗര് എന്ന കപ്പല് കൂടി മാലെദ്വീപില് എത്തുന്നുണ്ട്. ആകെ പതിന്നാല് കപ്പലുകള് സര്ക്കാര് നിര്ദ്ദേശിക്കുന്ന മുറയ്ക്ക് ദൗത്യത്തിന് തയ്യാറായി നിലക്കുകയാണ്
