ദില്ലി: കോവിഡ് വ്യാപനത്തിനു കുറവില്ലാത്തതിനാൽ ഡല്‍ഹിയില്‍ ലോക്ക്ഡൗണ്‍ നിയന്ത്രണങ്ങളില്‍ ഒരിളവും ഉണ്ടാകില്ലെന്ന് വ്യക്തമാക്കി മുഖ്യമന്ത്രി അരവിന്ദ് കേജരിവാള്‍.75 ഹോട്ട് സ്പോട്ടുകള്‍ ഉള്ള ഡല്‍ഹിയിലെ പതിനൊന്നു ജില്ലകള്‍ അതിവ്യാപന കേന്ദ്രങ്ങളാണ്. ഏപ്രില്‍ 27നു ചേരുന്ന വിദഗ്ധ സമിതി യോഗത്തിന് ശേഷം മാത്രമേ ഏതെങ്കിലും തരത്തിലുള്ള ഇളവുകളെക്കുറിച്ച്‌ ആലോചിക്കുകപോലും ചെയ്യൂ എന്ന് അരവിന്ദ് കേജരിവാള്‍ വ്യക്തമാക്കി. 1,900 കോവിഡ് കേസുകളാണ് റിപ്പോര്‍ട്ട് ഇതുവരെ ചെയ്തിരിക്കുന്നത്.
43 പേര്‍ മരിച്ചു.ശനിയാഴ്ച കോവിഡ് ബാധ സ്ഥിരീകരിച്ച 186 കേസുകളിലും രോഗികള്‍ യാതൊരുവിധ ലക്ഷണവും കാണിച്ചിരുന്നില്ല. ഭക്ഷണം വിതരണം ചെയ്തിരുന്ന വര്‍ക്കാണു രോഗം വന്നത്. ഉടന്‍ തന്നെ ഇവിടങ്ങളിലെ ജീവനക്കാരിലും ഭക്ഷണം വാങ്ങാന്‍ എത്തിയവരിലും റാപിഡ് ടെസ്റ്റിംഗ് നടത്താന്‍ നിര്‍ദേശം നല്‍കി.
