പുക പരിശോധനാ സര്‍ട്ടിഫിക്കറ്റ് ഇല്ലാത്ത വാഹനങ്ങളുടെ രജിസ്ട്രേഷന് താത്കാലികമായി റദ്ദാക്കാമെന്നും അതേസമയം, പുക സര്‍ട്ടിഫിക്കറ്റില്ലാത്ത വാഹനങ്ങള്‍ക്ക് ഇന്ധനം നല്‍കരുതെന്ന് നിര്‍ദേശിക്കാനാവില്ലെന്നും സുപ്രീംകോടതി. ജസ്റ്റിസ് അരുണ്‍ മിശ്ര അധ്യക്ഷനായ ബെഞ്ചാണ് വ്യക്തമാക്കിയത്.
ദേശീയ ഹരിത ട്രിബ്യൂണലിന്റെ (എന്‍.ജി.ടി.) ഭോപാല്‍ മേഖലാ ബെഞ്ച് പുക സര്‍ട്ടിഫിക്കറ്റില്ലാത്ത വാഹനങ്ങളുടെ രജിസ്ട്രേഷന് സസ്‌പെന്‍ഡ് ചെയ്യാനും ഇന്ധനം നല്‍കാതിരിക്കാനും ഉത്തരവിട്ടിരുന്നു. ഇത് പാലിക്കുംവരെ 25 കോടി രൂപ കെട്ടിവെക്കാനും സംസ്ഥാന സര്‍ക്കാരിനോട് എന്‍.ജി.ടി. ആവശ്യപ്പെട്ടു. ഈ ഉത്തരവിനെ ചോദ്യംചെയ്ത് മധ്യപ്രദേശ് സര്‍ക്കാര്‍ നല്‍കിയ ഹര്‍ജിയിലാണ് സുപ്രീംകോടതിയുടെ വിധി.
പുക സര്‍ട്ടിഫിക്കറ്റില്ലാത്ത വാഹനങ്ങള്‍ക്കെതിരേ നിയമപരമായ നടപടികള്‍ സ്വീകരിക്കാം. രജിസ്ട്രേഷന് സര്‍ട്ടിഫിക്കറ്റ് സസ്‌പെന്‍ഡ് ചെയ്യല്‍, മൂന്നുമാസംവരെ തടവ്, 10,000 രൂപവരെ പിഴ, മൂന്നുമാസത്തേക്ക് ലൈസന്‍സ് റദ്ദാക്കല്‍, ആറുമാസംവരെ തടവും 10,000 രൂപ പിഴയും എന്നിങ്ങനെയുള്ള ശിക്ഷകളാണ് നിയമത്തില്‍ പറയുന്നത്.
അതേസമയം, രജിസ്ട്രേഷന് സസ്‌പെന്‍ഡ് ചെയ്യുന്നത് താത്കാലികമായിരിക്കണം പിന്നീട് പുക സര്‍ട്ടിഫിക്കറ്റ് നേടിയാല്‍ രജിസ്ട്രേഷന് പുനഃസ്ഥാപിക്കാം. എന്നാല്‍, പുക സര്‍ട്ടിഫിക്കറ്റ് ഇല്ലാത്ത വാഹനങ്ങള്‍ക്ക് ഇന്ധനം നല്‍കരുതെന്നോ ഉത്തരവ് പാലിക്കുംവരെ സംസ്ഥാന സര്‍ക്കാര്‍ തുക കെട്ടിവെക്കണമെന്നോ എന്‍.ജി.ടി.ക്ക് പറയാനാവില്ലെന്നും സുപ്രീംകോടതി അറിയിച്ചു.
ട്രെയിൻ യാത്രയ്ക്കിടെ മൊബൈൽ ഫോണിൽ ഉച്ചത്തിൽ പാട്ടുകൾ കേൾക്കുന്നതും വീഡിയോകൾ കാണുന്നതും മറ്റ് യാത്രക്കാർക്ക് ബുദ്ധിമുട്ടുണ്ടാക്കുന്ന രീതിയിൽ ഫോണിൽ സംസാരിക്കുന്നതും…
പന്തളം കൈപ്പുഴ തുണ്ടത്തിൽ കോയിക്കൽ കൊട്ടാരത്തിൽ തിരുവോണം നാൾ അംബ തമ്പുരാട്ടിയുടെയും ലക്കിടി കൈമുക്ക് മന രാമൻ നമ്പൂതിരിയുടെയും മകനും…
അമേരിക്ക ഭീകരവാദിയായി പ്രഖ്യാപിച്ച ലഷ്കർ-ഇ-തൊയ്ബയുടെ (LeT) ഉന്നത നേതാവും സ്ഥാപകരിലൊരാളുമായ ചൗധരി മുഹമ്മദ് സർവാർ എന്ന അബു ഹാഷിം പാകിസ്ഥാനിലെ…
ലോകത്തിന്റെ കാലാവസ്ഥാ ക്രമത്തെ വലിയ രീതിയിൽ സ്വാധീനിക്കാൻ കഴിയുന്ന എൽനിനോ പ്രതിഭാസം വീണ്ടും ആഗോളതലത്തിൽ ആശങ്കകൾ ഉയർത്തുകയാണ്. സാധാരണ എൽനിനോയേക്കാൾ…
ശബരിമല സന്നിധാനത്ത് പൂജകൾക്കായി എത്തിയ ആയിരക്കണക്കിന് ഭക്തരെയും പന്തളം കൊട്ടാരത്തിൽ നിന്നുള്ള രാജപ്രതിനിധികളെയും വഴിയിൽ തടഞ്ഞിട്ട് സംസ്ഥാന സർക്കാരും ഉദ്യോഗസ്ഥ…
രാഷ്ട്രപുനർനിർമ്മാണത്തിന്റെയും ഹൈന്ദവ നവോത്ഥാനത്തിന്റെയും ഒരു നൂറ്റാണ്ട് പിന്നിട്ട് 101-ാം വർഷത്തിലേക്ക് പ്രവേശിക്കുന്ന രാഷ്ട്രീയ സ്വയംസേവക സംഘത്തിന്റെ ചരിത്രപ്രസിദ്ധമായ വിജയദശമി മഹോത്സവം…