ലണ്ടന്: ലോകം ഏറെ പ്രതീക്ഷയോടെ കാണുന്ന ഓക്സ്ഫോര്ഡ് സര്വകലാശാലയുടെ കോവിഡ് വൈറസിനെതിരായ ആദ്യഘട്ട വാക്സിന് പരീക്ഷണം വിജയം. വാക്സിന് സുരക്ഷിതമാണെന്നും പരീക്ഷിച്ചവരില് രോഗപ്രതിരോധശേഷി വര്ധിച്ചതായും അധികൃതര് അറിയിച്ചു.
ആദ്യഘട്ടത്തില് 1,077 പേരിലാണ് പരീക്ഷണം നടത്തിയത്. ഇവരില് ആന്റിബോഡിയുടെയും ശ്വേതരക്താണുക്കളുടെയും തോത് കൂടിയതായും ഗവേഷകര് വ്യക്തമാക്കി. പ്രമുഖ ഇംഗ്ലീഷ് മാധ്യമങ്ങളും ഇക്കാര്യം റിപ്പോര്ട്ട് ചെയ്തിട്ടുണ്ട്.
വരും ദിവസങ്ങളില് കൂടുതല് ആളുകളില് വാക്സിന് പരീക്ഷണം നടത്താനാണ് തീരുമാനം.
സെപ്റ്റംബറോടെ വാക്സിന് പുറത്തിറക്കാനാണ് ആലോചിക്കുന്നത്. അസ്ട്രാസെനക ഫാര്മസ്യൂട്ടിക്കലുമായി ചേര്ന്നാണ് വാക്സിന് വികസിപ്പിച്ചത് .