ദുബായ് : യു എ ഇയില്‍ പ്രവാസികള്‍ ഉള്‍പ്പെടെ 1600ഓളം തടവുകാരുടെ മോചനം പ്രഖ്യാപിച്ചു. യു.എ.ഇ പ്രസിഡന്‍റ് ശൈഖ് ഖലീഫ 1511 തടവുകാരെ മോചിപ്പിക്കുമെന്ന് പ്രഖ്യാപിച്ചപ്പോള്‍ അജ്മാന്‍ ഭരണാധികാരി 124 തടവുകാരെ മോചിപ്പിക്കാന്‍ ഉത്തരവിട്ടു. റമദാന് മുന്നോടിയായാണ് തീരുമാനം.
ഉമ്മുല്‍ഖുവൈന്‍ ഭരണാധികാരിയും തടവുകാര്‍ക്ക് മോചനം പ്രഖ്യാപിച്ചിട്ടുണ്ട്. അതേസമയം, പരിശുദ്ധ റമദാനില്‍ നോമ്പുതുറക്കുന്ന സമയം കൃത്യമായി അറിയിക്കുന്നതിന് ദുബായ് പൊലീസ് ഇത്തവണയും റമദാന് പീരങ്കികള്‍ സ്ഥാപിച്ചു. മഗ്രിബ് ബാങ്ക് വിളിക്കുന്ന സമയത്ത് വെടിമുഴക്കി വിശ്വാസിസമൂഹത്തെ ഉണര്‍ത്തുന്നതിന് ഇക്കുറിയും മുടക്കമില്ലെങ്കിലും പീരങ്കിയുടെ അടുത്തേക്ക് പോകുന്നതിനും കാണുന്നതിനും ജനങ്ങള്‍ക്ക് വിലക്കേര്‍പ്പെടുത്തിയിട്ടുണ്ട്.പൊതുജനസമ്പര്‍ക്കം വൈറസ് വ്യാപനത്തിന് വഴിയൊരുക്കുന്നതിനാലാണ് ഈ നടപടി.
