ആലപ്പുഴ : അമ്പലപ്പുഴ ക്ഷേത്രത്തിനോടു ചേർന്നുള്ള പടിഞ്ഞാറെക്കുളത്തിൽ മുങ്ങിത്താഴ്ന്ന 2 കുട്ടികളെ സാഹസികമായി യുവാക്കൾ രക്ഷപ്പെടുത്തി. ശ്രീഹരി(11), ആര്യൻ (11) എന്നിവരെയാണ് കരൂർ ഹരിമന്ദിരത്തിൽ യദുകൃഷ്ണൻ (21), കട്ടക്കുഴി പുളിക്കൽ എസ്.വിഷ്ണുമോൻ (21) എന്നിവർ ചേർന്നു രക്ഷിച്ചത്.
പന്ത്രണ്ടു കളഭത്തിൽ പഞ്ചവാദ്യത്തിന് എത്തിയവരായിരുന്നു യുവാക്കൾ. ഇവരുടെ സമയോചിത ഇടപെടൽ മൂലം ദുരന്തമൊഴിവായി.
