ലഖ്‌നൗവിൽ മതിൽ തകർന്ന് 9 പേർ മരിച്ചു; യുപി മുഖ്യമന്ത്രി 4 ലക്ഷം രൂപ ധനസഹായം പ്രഖ്യാപിച്ചു

വെള്ളിയാഴ്ച്ച ലഖ്‌നൗവിലെ ദിൽകുഷ മേഖലയിൽ കനത്ത മഴയിൽ മതിൽ ഇടിഞ്ഞുവീണ് സ്ത്രീകളും കുട്ടികളുമടക്കം ഒമ്പത് പേർ മരിക്കുകയും ഒരാൾക്ക് പരിക്കേൽക്കുകയും ചെയ്തു. പോലീസ് സ്ഥലത്തെത്തി രക്ഷാപ്രവർത്തനം നടത്തിവരികയാണ്.

ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അപകടത്തിൽ ദുഃഖം രേഖപ്പെടുത്തുകയും മുതിർന്ന ഉദ്യോഗസ്ഥരോട് സംഭവസ്ഥലത്ത് എത്താൻ ആവശ്യപ്പെടുകയും ചെയ്തു.

മരിച്ചവരുടെ കുടുംബങ്ങൾക്ക് മുഖ്യമന്ത്രി 4 ലക്ഷം രൂപ ധനസഹായം പ്രഖ്യാപിക്കുകയും പരിക്കേറ്റവർക്ക് ശരിയായ ചികിത്സ നൽകുന്നതിനുള്ള നിർദ്ദേശങ്ങൾ നൽകുകയും ചെയ്തു.