ചേർത്തല: വിശ്വഹിന്ദു പരിഷത്തിന്റെ യുവജന വിഭാഗമായ ബജ്റംഗദളിന്റെ നേതൃത്വത്തിൽ പുൽവാമാദിന അനുസ്മരണം നടത്തി ചേർത്തലയിലെ ബജ്റംഗദൾ പ്രവർത്തകർ.
പുൽവാമായിലുണ്ടായ ഭീകരാക്രമണത്തിൽ വീരമൃത്യു വരിച്ച സി ആർ പി എഫ് ജവാന്മാരുടെ ഓർമ്മയ്ക്കായി പുഷ്പാർച്ചനയും രാഷ്ട്ര രക്ഷക്കായി സന്ദേശവും നൽകിയാണ് ബജ്റംഗദൾ പ്രവർത്തകർ മടങ്ങിയത്. ഈ കാലഘട്ടത്തിൽ കേരളത്തിൽ രാഷ്ട്രവിരുദ്ധ ശക്തികൾ വളർന്നു വരുകയാണെന്നും രാഷ്ട്ര രക്ഷക്കായി പ്രതിരോധം തീർക്കുമെന്നും ബജ്റംഗദൾ പ്രവർത്തകർ ആഹ്വാനം ചെയ്തു.
2019 ഫെബ്രുവരി 14 ന് പുൽവാമായിലുണ്ടായ ഭീകരാക്രമണത്തിൽ വീരമൃത്യു വരിച്ച ധീര ജവാന്മാരുടെ ഓർമ്മയ്ക്കായി ബജ്റംഗദൾ പാണാവള്ളി പ്രഖണ്ഡ് സമിതിയുടെ നേതൃത്വത്തിൽ ചേർത്തല NSS കോളേജ് ജംഗ്ഷനിൽ നടത്തിയ അനുസ്മരണ ചടങ്ങിൽ ബജ്റംഗദൾ ജില്ലാ സംയോജക് ആർ കൃഷ്ണ ചന്ദ്രൻ,ആർ എസ് എസ് ഖണ്ഡ് സഹ കാര്യാവാഹ് ഗോപൻ ജി, വിശ്വഹിന്ദു പരിഷത്ത് പാണാവള്ളി പ്രഖണ്ഡ് സെക്രട്ടറി സുബീഷ് വീരമംഗലം ,ബജ്റംഗദൾ പാണാവള്ളി പ്രഖണ്ഡ് സംയോജക് സാംജിത്ത് എന്നിവർ പങ്കെടുത്ത ചടങ്ങിൽ പുഷ്പാർച്ചനയും അനുസ്മരണവും നടന്നു. പുഷ്പാർച്ചന ചടങ്ങിൽ NSS കോളേജിലെ വിദ്യാർത്ഥികളും അണി ചേർന്നു.